Nehemya 11:5 - MUKANDA WA MYIDI MUKULU

⁵ Kuvua kabidi Masheya, muana wa Baruke, ne muikulu wa Koloze. Bankambua bende bavua: Azaya, Adaya, Yoyaribe, Zekarya, ne Shiloni.

Mukanda wa Nzambi Dihungila Dikulukulu ne Dihungila Dihia-dihia 2003

⁵ ne Mâseya, muana wa Bahika, muana wa Kole-hose, muana wa Hazaya, muana wa Adaya, muana wa Yoyaliba, muana wa Zekâya, muana wa Muena Shiloa.

Nehemya 11:5 ပူးပေါင်းရင်းမြစ်များ

Genese 38:5

Pashishe mukaji awu kuimita kabidi difu, kulela muana muisatu wa balume, kumuinyika dina dia Shela. Kadi musangu awu Yuda kavua kumbelu to. Uvua muye ku Kezibe.

1 Kulondolola 4:21

Ndelanganyi ya Shela, muana wa Yuda, ivua nenku: Ere uvua muase tshimenga tshia Leka. Lada uvua muase tshimenga tshia Maresha. Leka uvua kabidi nkambua wa bena meku a badi benza bilamba bia buanda bua ndanda: ke bavua basombe ku Bete-Ashebeya.

1 Kulondolola 9:5

Ba mu diku dia Shela bavua bapingane, ke muanabute Ashaya ne bana bende ba balume.

Nehemya 11:4

Kadi bamue bena tshisamba tshia Yuda, ne bantu bakuabu ba mu tshisamba tshia Binyamine, bavua baye kusomba mu Yerushalayime. Bena tshisamba tshia bena Yuda bavua basombe mu Yerushalayime bavua: Ataya, wa mu tshiota tshia Perese, wa ku ndelanganyi ya Malaleyele. Ataya uvua muana wa Uziya, Uziya uvua muana wa Zekarya, Zekarya uvua muana wa Amariya, Amanya uvua muana wa Shefatya.

Nehemya 11:6

Bantu bonsu ba bukitu ba mu tshiota tshia Perese bavua baye kusomba mu Yerushalayime bavua 468.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.