Nehemya 10:31 - MUKANDA WA MYIDI MUKULU

³¹ Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Mukanda wa Nzambi Dihungila Dikulukulu ne Dihungila Dihia-dihia 2003

³¹ bialua bena buloba kutudi ne bintu biabo anyi blé yabo bua kutubanyishabi dituku dia lumingu, katuena tubiula dituku dia lumingu anyi dituku dikuabo dia tshijila; netujile tshidimu tshia muanda mutekete, netulekelelangane mabanza.

Nehemya 10:31 ပူးပေါင်းရင်းမြစ်များ

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”

Nehemya 13:23

Mu tshikondu atshi kabidi, mvua mumone muvua bena Yuda basela bakaji ba bena Asdode, bena Amone nansha bena Mowabe.

Nehemya 13:27

Katuena basue kumvua kabidi munudi nuenzela Mvidi Mukulu bibi pa kusela bakaji ba bisamba bikuabu.

Ekesode 12:16

Dituku dia kumpala ne dituku dia muanda mutekete, ikale matuku a kuenza masangisha a tshijila. Matuku awu kanuenji midimu mikuabu to, anu ya kulamba biakudia.

Ekesode 20:10

Dituku dia muanda mutekete ndia Dikisha, dia kunnemeka anu meme Maweja-Nangila. Kuenji mudimu dituku adi, nansha wewe, nansha bana bebe ba balume nansha ba bakaji, too ne bapika ne benyi badi basombe mu ditunga dienu. Kabidi bimuna bienu kabienji mudimu to.

Ekesode 34:16

Bana benu ba balume kabena mua kusela nsongakaji ya mu ditunga adi to. Bualu badi mua kulonda bibidilu bibi bia nsongakaji idi inemeka mvidie ya ditunga diabu.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Lewitiki 16:29

“Nuenu bena Izrayele, umvuayi mukenji unudi ne bua kulama kashidi: matuku dikumi a ngondu wa muanda mutekete, nuenu, bana benu ne benyi badi munkatshi muenu, nujile biakudia. Kanuena kabidi mua kukuata mudimu.

Lewitiki 23:21

Dituku mene adi, kanuenji mudimu to. Nudisangishe bua kuntendelela. Nulame mikenji eyi kashidi, miaba yonsu inudi nusomba.

Lewitiki 23:3

“Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.