Nehemya 1:6 - MUKANDA WA MYIDI MUKULU

⁶ Maweja-Nangila Mvidi Mukulu, mpindiewu, untangile, unteleje, umvua mundi nkutendelelela, meme muntu webe. Butuku ne munya, ndi anu nkulomba bualu buetu tuetu bena Izrayele, bantu bebe. Ndi nkulomba bua wewe kutufuilaku luse, bua bibi bionsu bitudi benze. Eyowa, meme ne bankambua banyi tudi benza bibi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ teleja matshu ebe, ubulule mesu ebe bua wewe unvue kulomba kua muntu webe kudiye ukulomba munya ne butuku bualu bua Bena Isalele bantu bebe, hantshidi ntonda mibi ya Bena Isalele yakukuenzelabo. Bulelela, meme ne ba mu nsubu wa tatu wanyi tuakuenza bibi;

Nehemya 1:6 ပူးပေါင်းရင်းမြစ်များ

1 Bakalenga 8:30

Teleja mundi nkubikila, ne mudi bantu bebe bena Izrayele bakubikila, batangila ku nzubu eku. Nanku, Maweja-Nangila, mu diulu muudi musombe, ututeleje, utujimijile mibi yetu.

1 Bakalenga 8:47

Nanku, mu ditunga dikale bena Izrayele baye mu bupika amu, padibu badiela meji, badikonka, batuadija kukutendelela, bamba ne: ‘Tuvua bakutombokela Maweja-Nangila, benza bibi. Tudi bena tshibawu!’

2 Kulondolola 28:10

Kabidi nudi ne dijinga dia kubueja bantu balume ne bantu bakaji aba, banudi bakuate mu Yerushalayime ne mu ditunga dia Yuda, mu bupika. Nuenu kanuena mua kupeta tshilumbu kudi Maweja-Nangila Mvidi Mukulu wenu anyi?

2 Kulondolola 29:6

Bankambua betu bavua batombokela Maweja-Nangila Mvidi Mukulu wetu. Bavua bamuvile, bamubenge. Kuelabu nyima ku muaba wa tshijila wa Maweja-Nangila. Kubengabu kumutangila.

2 Kulondolola 6:40

“Mvidi Mukulu wanyi, tabala! Umvua mundi nkutendelela mpindiewu mu nzubu emu.

Ezela 10:1

Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

Ezela 10:11

Mpindiewu, nutonde bubi buenu kumpala kua Maweja-Nangila Mvidi Mukulu wa bankambua benu, nuitabe ku diyi diende. Kanumvuanganyi kabidi ne bena bisamba ebi to. Nubenge bakaji benyi banudi basele.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Misambu 102:17

Padi Maweja-Nangila wibakulula Siyone, padiye umueneka mu butumbi buende,

Misambu 106:6

Tudi benza malu mabi avua batatu betu benze, tudi benza bibi, tudi bapila.

Misambu 130:2

Teleja lubila luanyi, pandi nkutendakena.

Misambu 32:5

Kadi mpindiewu ndi mukutondele bubi buanyi, tshiena mukusokoke bilema bianyi. Mvua muambe ne: “Ndi muena tshibawu, ndi ne bua kutondela Maweja-Nangila bimvua muenze.” Ke wewe kumusha tshibawu tshia mibi yanyi.

Misambu 34:15

epuke bubi, enze bimpe, asuminyine ne dikeba bupole mu bantu.

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Misambu 88:1

Musambu wa mu mukanda wa misambu ya bena Kora. Wa mu mukanda wa mulombodi wa bena misambu. Wa kuimba mu dibungama. Kasala ka musambu kela kudi Emane, muena muabu.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Muadi 5:7

Bankambua betu bavua benza bibi, mbamane kufua. Kadi tuetu ke badi bambule bujitu bua malu abu mabi.

Danyele 9:15

“Maweja-Nangila Mvidi Mukulu wetu, pauvua mupatule bantu bebe mu ditunga dia Ejipitu ku bukole buebe, uvua mupete lumu lunene, luutshidi nalu too ne lelu. Kadi tuetu tuvua babenge diyi diebe. Nanku tudi bena tshibawu.

Danyele 9:20

“Mwa ntendelela amu kutendelela, ntonda mibi yanyi, ne ya bena Izrayele, tshisamba tshianyi. Mwa nsengelela Mvidi Mukulu wanyi bua mukuna wende wa tshijila.

Danyele 9:4

Meme kutendelela Maweja-Nangila, Mvidi Mukulu wanyi, mmutondela mibi yanyi: “Eyi, Maweja-Nangila Mvidi Mukulu munene, udi ukuatshisha bantu bowa, udi ulama ndondu yebe ne bonsu badi batumikila mikenji yebe, udi ne diyi dimue kudi bonsu badi bakunanga.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Danyele 9:8

Eyo, Maweja-Nangila wetu, tuetu, bakalenga betu, bamfumu betu, ne batatuetu, tudi tufua bundu, bualu tuvua babenge diyi diebe!

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Luke 2:37

Pashishe kushalaye mukamba. Tshikondu atshi uvua mukumbaje bidimu makumi muanda mukulu ne binayi. Uvua ukuatshila Mvidi mukulu mudimu bufuku ne munya, kayi umuka mu nzubu wende. Uvua ujila biakudia, utendelela Mvidi Mukulu.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

2 Timote 1:3

Ndi ngela Mvidi Mukulu tuasakidila. Ke Yeye undi nkuatshila mudimu ne muoyi mujima, muvua bankambua banyi benze. Ndi mmuela tuasakidila, pandi nkuvuluka munya ne butuku mu ditendelela dianyi, tshiyi mpungila.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.