Nehemya 1:4 - MUKANDA WA MYIDI MUKULU

⁴ Meme mumane kumvua bionsu abi, ke meme kusomba bua kudila muadi. Meme kushala ne kanyinganyinga matuku a bungi, tshiyi ndia tshintu to. Meme kutendelela Mvidi Mukulu wa mu diulu,

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hanakunvua mei â, nakashikama hanshi, nakadila, nakajinga matuku makuabo; nakajila bia kudia, nakatendelela ku mpala kua Nzambi wa mu diulu,

Nehemya 1:4 ပူးပေါင်းရင်းမြစ်များ

2 Samuele 12:16

Davide kusengelela Maweja-Nangila bua muana awu, kujila biakudia. Pavuaye mubuele mu nzubu muende, kulalaye panshi butuku bujima.

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

2 Kulondolola 6:13

Shelomu uvua muenzeje tshitaku tshia tshiamu tshikunze tshivuabu bateke munkatshi mua lubanza lua nzubu wa Mvidi Mukulu. Tshitaku atshi tshivua ne metre abidi ne tshitupa mu bule ne mu butshiama, metre umue ne tshitupa mu butumbuke. Shelomu kubandapu, kutua binu, muaba uvua bena Izrayele bonsu mua kumumona. Kuelaye bianza mulu, utendelela Maweja-Nangila,

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Ezela 10:1

Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

Ezela 9:3

Pangumvu miaku ayi, meme kupanda tshinkutu tshianyi ne bilamba bianyi. Meme kuditula nsuki ne miedi. Meme kusomba mubungame bikole.

Ezela 9:5

Dilolu, diba dia kulambula milambu dikumbana, meme kumuka muaba umvua nsomba mubungame. Ntshivua ne tshinkutu tshianyi ne bilamba bianyi bimvua mupande. Meme kutua binu panshi, kuela bianza mulu kudi Maweja-Nangila Mvidi Mukulu wanyi,

Nehemya 2:20

Meme kubandamuna ne: — Anu Mvidi Mukulu wamu diulu nkayende neatuambuluishe bua tuetu kutshimuna. Tuetu, bena mudimu bende, netuenze mudimu wa kuibakulula tshimenga. Kadi nuenu kanuena ne bualu muaba ewu to. Kanuena mua kupiana bintu mu Yerushalayime, kanuena mua kudiamu bumfumu, kanuena mua kutendamu bibidilu bia bankambua betu.

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Misambu 102:15

Tuetu bantu bebe tudi banange mabue ende, tudi tumvua luse bua nzubu yende idi mishale bibuwa.

Misambu 136:26

Tuelayi Mvidi Mukulu wa mu diulu tuasakidila, bualu dinanga diende ndia kashidi!

Misambu 137:1

Tuvua basombe ku misulu ya mu Babilone, tuvua tudila, tutenda Siyone.

Danyele 10:2

“Diba adi, meme Daniyele, mvua mu madilu mbingu isatu mijima.

Danyele 2:18

Kubambilaye bua balombe luse kudi Mvidi Mukulu wa mu diulu, abamanyishe tshilota tshisokome atshi, bua kabavu kubashipa pamue ne bena meji bakuabu ba mu Babilone.

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Sefanya 3:18

Maweja-Nangila udi wamba ne: “Nenjikije dikenga dienu, nennumushe bundu.

Rome 12:15

Sankayi ne badi basanka, nudile ne badi badila.