Nehemya 1:3 - MUKANDA WA MYIDI MUKULU

³ Kungambilabu ne: — Bantu bavua mu bupika. mbasombe mu ditunga dia bena Yuda. Kadi badi mu dikenga dinene. Kabidi bantu badi babapeja bikole. Bimana bia tshimenga tshia Yerushalayime mbiupuke miaba mivule. Biibi biatshi mbiosha ne kapia.

Mukanda wa Nzambi Dihungila Dikulukulu ne Dihungila Dihia-dihia 2003

³ Bakangambila ne, Bantu bakumuka mu buhika mu buloba bukuabo badi bashalaku badi mu dikenga dikole, badi bafuishibua bundu; lumbu lua Yelushalema kabidi tutshidi hanshi, ne bibi bialu bidi bioshibua ne kahia.

Nehemya 1:3 ပူးပေါင်းရင်းမြစ်များ

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

2 Bakalenga 25:10

Bena mvita ba bena Babilone, bavua ne mfumu wa bena mvita, kupulabu bimana bivua binyunguluke Yerushalayime.

2 Kulondolola 36:19

Bena Babilone kuosha nzubuvua Mvidi Mukulu. Kupulabu tshimana tshia Yerushalayime. Kuoshabu nzubu ya bukalenga. Kunyangabu bintu bionsu bia mushinga mukole biamu tshimenga.

Ezela 2:1

Ku bantu bavua Nebukadnesare, mukalenga wa Babilone, muye nabu mu bupika mu Babilone, ba bungi bavua bapingana mu Yerushalayime, mu ditunga dia bena Yuda. Muntu yonsu uvua mupingane anu mu tshimenga tshiabu.

Ezela 5:8

“Mukalenga munene, tudi tukumanyisha ne: tuvua baye mu buloba bua Yuda. Tuvua bamone muvuabu bibakulula nzubu wa Mvidi Mukulu munene ne mabue masonga, ne makunji a mabaya masa ku bimana. Badi bakuata mudimu bimpe, kabidi lukasa.

Nehemya 11:3

Bamfumu ba buloba bavua basombe mu Yerushalayime. Kadi bena Izrayele bakuabu: batuangaji, bena Levi, bena midimu mikuabu ya mu nzubu wa Mvidi Mukulu, too ne bantu ba ku ndelanganyi ya bena mudimu ba Shelomu, bavua basombe mu misoku yabu, muntu muende, muntu muende.

Nehemya 2:13

Mundankulu, meme kumuka mu tshimenga, kupatukila ku tshiibi tshia ku Tshibandabanda. Meme kuya luseke lua ku mpokolu wa mayi a Mamba-muntu, ne ku tshiibi tshia ku Dyala. Meme kukenketa bimana bia tshimenga. Meme kujadika ne: bimana bivua biupuke miaba mivule, kabidi biibi bivua biosha ne kapia.

Nehemya 2:17

Nanku, mpindiewu meme kubambila ne: — Nudi bamone dikenga ditudi nadi: tshimenga tshia Yerushalayime ntshinyangakaja. Biibi biatshi mbiosha ne kapia! Tuyayi kuibakulula bimana bia Yerushalayime, bua tujikije bundu butudi nabu.

Nehemya 2:3

Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

Nehemya 7:6

“Bantu ba bungi bavua Nebukadnesare, mukalenga wa Babilone, mukuate muye nabu mu bupika, mbamane kupingana mu Yerushalayime, ne mu ditunga dia Yuda. Muntu yonsu uvua upingana mu tshimenga tshiabu.

Estere 1:1

Malu aa ke avua menzeke mu tshikondu tshia bukalenga bua Ahashaveroshe. Yeye uvua mukalenga wa matunga lukama makumi abidi ne muanda mutekete, kutuadija ku Inde too ne ku Kushe.

Misambu 79:4

Tuetu aba, bena mutumba badi batupenda, badi netu pabuipi badi batulembakaja.

Nsumuinu 25:28

Muntu udi kayi udikolela bua kafiki munda, udi bu tshimenga katshiyi ne bimana, tshidi baluishi mua kukuata ne lukasa luonsu.

Yeshaya 43:28

Nenku, ndi mudiombole batuangaji badi bakuata mudimu mu nzubu wanyi. Mvua mubutule tshisamba tshia Yakobe. Ndi muanyishe, bua bena lukuna abu bapende bena Izrayele.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yirmeya 24:9

Nanku bantu ba mu matunga onsu a pa buloba, pamonabu bionsu abi nebakeme bikole, bakuatshike bowa. Miaba yonsu indi mbatangalaja, bantu nebabaseke, babapende. Nebasake misambu, batela dikenga diabu bua tshilejilu tshia dikenga dinene. Bantu nebabatshipe.

Yirmeya 29:18

Nembalondakaje ne mvita, ne tshiyole tshia nzala, kabidi ne disama dia tshiambu. Nanku bena mu makalenga onsu a pa buloba nebakuatshike bonsu bowa. Nebabatangile bu bantu badibu bela mulawu. Bantu nebabaseke, bikale batela dina diabu bua kuditshipa nadi.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yirmeya 52:14

Bena mvita ba bena Babilone bavuaye nabu kushimbula bimana bivua binyungulule Yerushalayime.

Muadi 1:7

Yerushalayime matuku aa udi mu dikenga, uvuluka bintu bia mushinga mukole bivuaye nabi ku kale. Tshikondu tshivua baluishi bakuate bantu bende, kakuyi muntu nansha umue umuambuluisha, bavua bamutshimune kusankabu, bualu uvua mushale tshintu tshia tshianana.

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Muadi 3:61

Maweja-Nangila uvua mumvue bipendu ebi, ne meji mabi avuabu bangelele.

Muadi 5:1

Maweja-Nangila, kupu muoyi malu adi matuenzekele. Tangila, umone mudibu batupenda.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.