Nehemya 1:11 - MUKANDA WA MYIDI MUKULU

¹¹ Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Nehemya 1:11 ပူးပေါင်းရင်းမြစ်များ

Genese 24:42

Lelu mfika ku tshiina tshia mayi, meme kutendelela ne: “Maweja-Nangila, Mvidi Mukulu wa mfumuanyi Abrahame, ndi nkusengelela ne: ungendeshe diakalenga mu luendu elu.

Genese 32:11

Maweja-Nangila, tshiena mukumbanyine dikasa dimpe diwudi muntutshishe meme, muena mudimu webe, kuyi upungila. Bualu mvua musabuke musulu wa Yardene ewu anu ne dikombu. Kadi mpindiewu nkadi ne bintu bisumbu bibidi ebi.

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Genese 40:1

Malu onsu mamane kujika, dituku dikuabu bantu babidi bavua ne muanzu mu bukalenga bua Ejipitu, kuenzela mukalenga tshilema tshinene. Umue uvua mutangidi wa bantu bavua balongolola maluvu a mukalenga, mukuabu mutangidi wa bantu bavua balambila mukalenga biakudia.

Genese 40:2

Mukalenga kubafikila munda bikole.

Genese 40:21

Mukalenga kupingaja mutangidi wa balongolodi ba maluvu ku mudimu wende, bua amupe tshiakabidi dikopu mu bianza.

Genese 40:23

Kadi mutangidi wa balongolodi ba maluvu a mukalenga, uvua mupue Yozefe muoyi kashidi.

Genese 41:9

Diba adi mutangidi wa balongolodi ba maluvu a mukalenga kuambila mukalenga ne: — Mukalenga, lelu ndi ntonda bubi bumvua muenze.

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

2 Kulondolola 6:40

“Mvidi Mukulu wanyi, tabala! Umvua mundi nkutendelela mpindiewu mu nzubu emu.

Ezela 1:1

Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

Nehemya 1:6

Maweja-Nangila Mvidi Mukulu, mpindiewu, untangile, unteleje, umvua mundi nkutendelelela, meme muntu webe. Butuku ne munya, ndi anu nkulomba bualu buetu tuetu bena Izrayele, bantu bebe. Ndi nkulomba bua wewe kutufuilaku luse, bua bibi bionsu bitudi benze. Eyowa, meme ne bankambua banyi tudi benza bibi.

Nehemya 2:1

Artashasta, mukalenga wa bakalenga, mumane kushala mu bukalenga bidimu makumi abidi, dituku dikuabu, mu ngondu wa Nisane, uvua musombe ku mesa. Meme Nehemya kuangata maluvu, kumuelela. Mvua anu mubungame. Katshia tshivua muanji kubungama muaba uvua mukalenga to.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Misambu 106:46

Kutekaye muoyi wa luse munda mua bantu bonsu, bavua babakuate ku bupika.

Misambu 130:2

Teleja lubila luanyi, pandi nkutendakena.

Misambu 61:5

Anyisha, ngase mu nzubu muebe kashidi, nsokome mu mapuapua ebe.

Misambu 86:6

Maweja-Nangila, teleja mundi nkutendelela, umvue pandi nkutendakena.

Nsumuinu 1:29

Nebienzeke nanku, bualu nudi nubenga kulonga malu, kanuena basue kutshina Maweja-Nangila to.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Yirmeya 42:12

Nennuambuluishe, mukalenga awu neanufuile luse, bua nupingane mu buloba buenu.”

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Ebrewu 13:18

Nutulombele kudi Mvidi Mukulu. Bualu tudi bajadike mudi kondu ketu ka munda kakayi katupisha, bualu tudi tujinga kuenza bimpe diba dionsu.