Muambi 9:7 - MUKANDA WA MYIDI MUKULU

⁷ Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Ya biebe, udie bidia biebe ne disanka; unue nvinyo yebe ne mutshima wa disanka; bualu bua Nzambi wakumana kuitabusha midimu yebe.

Muambi 9:7 ပူးပေါင်းရင်းမြစ်များ

Genese 12:19

Wakundinga ne: Sarayi mmuanetu wa bakaji bua meme kumuangata bu mukajanyi bua tshinyi? Mpindiewu angata mukajebe, umuke nende.

1 Bakalenga 8:66

Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

Muambi 10:19

Bantu baneme badi badia bua kusanka. Badi basangulaka padibu banua maluvu. Kadi amu badi ne biuma ke badi mua kupeta bionsu bidibu bakengela.

Muambi 11:8

Muntu udi ne bua kusanka bua tshidimu tshionsu tshidiye ne muoyi, nansha yeye mushale panu bidimu bi-vule. Kadi tuvulukayi se: matuku a miidima neikale a bungi. Kadi bionsu biavua kuenzeka bidi amu tshianana.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Muambi 7:14

Dituku dia disanka, usanke. Dituku dia dikenga, wela meji bimpe. Mvidi Mukulu udi utuma dikenga nansha disanka bua muntu kamanyi malu atshidi kumpala kuende.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Dibadika 6:20

Pashishe mutuangaji neele bintu abi mulu, neabinyukule bua kubilambula Maweja-Nangila. Nanku bintu abi nebishale bia mutuangaji. Neangate kabidi tshiadi ne tshibelu bia nyama bu mudi tshibidilu. Pashishe muntu awu udi mua kutuadija kunua maluvu.

Marke 7:29

Ke Yezu kumuambila ne: — Bu muudi muandamune nanku, udi mua kupingana kuebe. Mukishi mubi mmumane kupatuka munda mua muanebe wa bakaji!

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

Yowanane 4:50

Yezu kumuambila ne: — Pingana kuebe, muanebe udi ne muoyi. Muntu awu kuitaba muvua Yezu mumuambile. Kuyaye.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Rute 3:7

Bowaze mujikije kudia ne kunua, uvua ne disanka. Pashishe kuyaye kulala pabuipi ne ntete. Rute kuya muaba awu wenda utobela. Kumushaye tshilamba tshitua Bowaze mulale natshi, kulalaye ku mikolu yende.