Muambi 7:9 - MUKANDA WA MYIDI MUKULU

⁹ Kufiki munda lukasa, bualu tshiji mmudimu wa bantu bapote.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kukuatshi tshiji mu mutshima webe lukasa, bualu bua tshiji tshidi tshiala mu tshiadi tshia bahote.

Muambi 7:9 ပူးပေါင်းရင်းမြစ်များ

Genese 4:8

Kayine umvua nanku, kuambila muanabu Ebele ne: — Tuye kuendakana. Bafika mu budimi, Kayine kukuata muanabu Ebele kumushipa.

2 Samuele 13:22

Bu muvua Amnone mubuelele muakunyende Tamare mu nzubu ku bukole, Absalome kumujila, kumukina bikole bipite.

2 Samuele 13:28

Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

2 Samuele 13:32

Kadi, Yonadabe, muana wa Shama (Shama ke uvua tatuende wa Davide), kuambila Davide ne: — Mukalenga, kuedi meji ne: mbashipe bana bebe ba balume bonsu to. Mbashipe amu Amnone nkayende. Absalome uvua mumane kulaya bua kuenza bualu ebu, biangatshile dituku divua Amnone mubuelele muanabu Tamare mu nzubu ku bukole.

2 Samuele 19:43

Bena Yuda kuandamuna ne: — Mukalenga Davide mmulele wetu menemene! Kabiyi bu bienu to. Kadi nudi nufika munda bua bualu ebu bua tshinyi? Mukalenga Davide ke udi utudisha anyi? Tshidiye mutupeshe ntshinyi?

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Muambi 7:10

Katudikonki ne: “Bikondu bia kale mbimpe bipite bia lelu bua tshinyi?” Lukonku lua nanku ludi luleja muudi kuyi muanji kupeta meji.

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Yona 4:9

Mvidi Mukulu kukonka kabidi Yona ne: — Udi ufika munda bua mutshi ewu, pa bualu anyi? Yona kuandamuna ne: — Eyowa, ndi mufike munda pa bualu, ndi mua kufua mene.

Marke 6:19

Erodiyade uvua mulamine Yowanane lukuna. Uvua ukeba mua kumushipesha, kadi kavua ne tshia kuenza to.

Marke 6:24

Nsongakaji kupatuka, kumanyisha mamuende ne: — Ndi mua kulomba tshinyi? Yeye kumuandamuna ne: — Ulombe mutu wa Yowanane-Batiste.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.