Muambi 7:2 - MUKANDA WA MYIDI MUKULU

² Mbimpe kubuela mu nzubu wa madilu pa mutu pa kubuela muaba udi bantu badia bondoloka. Bualu lufu nnshikidilu wa muntu yonsu. Nanku bidi bilenga bua muntu yonsu amanye, kabidi avuluke bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

² Kubuela mu nsubu wa madilu kudi kuhita kubuela mu nsubu wa bidia bia dibanji buakane; bualu bua eu nshikidilu wa bantu bonso, ne badi ne muoyo nebateke bualu ebu mu mitshima yabo.

Muambi 7:2 ပူးပေါင်းရင်းမြစ်များ

Misambu 90:12

Utunwuije ne matuku etu adi mabala. Nanku netupete meji.

Muambi 2:14

Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Muambi 2:16

Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Muambi 3:19

Bualu ndekelu wa muntu udi amu wa momumue ne wa nyama. Mudi muntu ne mueyelu, nyama udi nawu. Bionsu bibidi bidi ne bua kufua momumue. Muntu kena mupite nyama ku tshintu nansha tshimue to, bualu ku ndekelu bionsu bidi tshianana.

Muambi 3:20

Muntu ne nyama ku ndekelu nebiye muaba umue; nebipingane mu buloba, buvuabu babifuke nabu.

Muambi 6:6

Muana awu mmupite muntu udi mushale ne muoyi nansha bidimu binunu bibidi, kadi kayi ne diakalenga. Ku ndekelu kua bionsu, buonsu babidi nebaye muaba wa momumue.

Muambi 9:2

Bidi nanku bua bantu bonsu, bua muntu muakane ne bua muntu mubi, bua muntu udi ne mikiya ne bua udi kayi nayi, bua udi utendelela Mvidi Mukulu ne udi kayi umutendelela, bua udi ulambula Mvidi Mukulu ne udi kayi umulambula milambu, bua muntu wa muoyi mukezuke ne muntu muena malu mabi, bua udi ulaya Mvidi Mukulu malaya ne udi kayi walaya.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Muambi 9:5

Bualu bantu ba muoyi mbamanye ne: netufue. Kadi bafue bobu ki mbamanye kalu nansha kamue. Bafue kabena bindila kantu, bualu bakadi babapue muoyi.

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Yirmeya 16:8

Kuena mua kubuela kabidi mu nzubu udibu benza tshibilu. Kuena mua kusomba bua kudia nansha kunua ne bantu badibu babikila.

Agayi 1:5

Meme Maweja-Nangila wa bukole buonsu, ndi nnuambila ne: Dikonkayi pa malu adi anuenzekela.

Malaki 2:2

— Nunteleje, nunnemeke, tshianana nennukengeshe. Diakalenga dimvua munulaye nediandamuke diakabi. Bulelela nengenze nanku, bualu kanuena nuangata mikenji yanyi ne mushinga.

Dibadika 23:10

Kakuena udi mua kubala bungi bua bena Izrayele, kakuena udi mua kubadika ndelanganyi ya Yakobe! Ndi njinga kufua mudi bantu bakane aba bafua. Ndi musue kuikala nabu muaba umue.”

Matayi 5:4

Bantu badi banyingalala, ke bena diakalenga, bualu Mvidi Mukulu neabasambe!

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

Dielulula 32:46

kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.