Muambi 7:12 - MUKANDA WA MYIDI MUKULU

¹² Adi asombesha bantu ne ditalala bu mudi lupetu luenza. Badi nawu nebasombe matuku mavule panu. Ke patudi ne tshilumbu tshia kuamanya.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua lungenyi ludi ne dikuatshisha bu dia biuma; kadi lungenyi ludi lutamba bua ludi luvuisha muoyo kudi muenʼalu.

Muambi 7:12 ပူးပေါင်းရင်းမြစ်များ

Yobe 1:10

Wewe udi mumulame bimpe, ne diku diende ne bintu biende bionsu. Udi mumututshishe dikasa dimpe mu bintu biende bionsu. Bimuna biende mbitangidika ditunga dijima.

Misambu 57:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide. Uvua muusake pavuaye munyeme Shawule, muye kusokoma mu lubuebue.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Nsumuinu 14:20

Muntu mupele badi bamubenga ne kudi muena mutumba nende. Kadi muena biuma udi ne balunda ba bungi.

Nsumuinu 2:11

Dijingulula dia malu nedikuepule ku ntupakanyi. Lungenyi nelukulame.

Nsumuinu 2:7

Udi wambuluisha bantu badi babenga malu mabi. Udi bu mudi ngabu udi ulama badi benza biakane.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Nsumuinu 8:35

Udi unsangana meme, mmupete muoyi, Maweja-Nangila neamuele lupemba.

Nsumuinu 9:11

Meme, Meji, nemvudije matuku ebe. Neulale panu matuku mulongulongu.

Muambi 10:19

Bantu baneme badi badia bua kusanka. Badi basangulaka padibu banua maluvu. Kadi amu badi ne biuma ke badi mua kupeta bionsu bidibu bakengela.

Muambi 2:13

Bushuwa ndi mumanye ne: meji mmapite bupote, mudi butoke bupite miidima.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Muambi 9:16

Pa nanku, ndi njadika se: meji mmapite bukitu. Kadi bantu kabena bateleja mibelu ya muntu wa meji yeye muikale mupele. Badi bamupepeja.

Muambi 9:18

Meji mmapite bia mvita. Kadi muena buenzayi umue udi mua kunyanga bilenga bidi meji atupetesha.

Yeshaya 30:2

Nudi nuya ku Ejipitu, kadi kanuena nunkonka lungenyi. Nudi nukeba bua mukalenga wa bena Ejipitu anuambuluishe. Nudi nukeba tshisokomenu, kadi amu mu ditunga dia Ejipitu!

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yowanane 12:50

Ndi mumanye ne: tshidi Mvidi Mukulu ufundila muntu tshidi tshipetesha muoyi wa kashidi. Nanku tshindi ngamba, ndi ntshiamba muvua Tatu wanyi mungambile.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Dielulula 32:47

Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Balombodi 9:15

Mutshi wa meba kuandamuna ne: ‘Panuikala basue kunsungula bu mukalenga wenu bulelela, imanayi muinshi mua dileji dianyi emu! Nuenu kanuyi benze nanku, kapia nekalakuke ku meba anyi. Nekoshe too ne mitshi ya sedre ya mu Lebanone!’ ”