Muambi 6:3 - MUKANDA WA MYIDI MUKULU

³ Muntu udi mua kulela bana lukama, kulala kabidi panu bidimu bivule. Kadi bionsu ebi nebimuenzele tshinyi padiye kayi ne diakalenga matuku onsu adiye ulala panu, kabidi padi bantu kabayi mua kumujika bimpe? Ndi ngamba ne: muana wa tshibika mmumupite ku diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

³ Bialela muntu bana lukama ne biashaleye ne muoyo bidimu bia bungi, kadi bikala mutshima wandi kauyi mukulu ne malu mimpe, anyi bantu kabayi bamujike bimpe, ndi ngamba ne, Muana wa kabishi udi mumuhite ku dikasa dimpe;

Muambi 6:3 ပူးပေါင်းရင်းမြစ်များ

Genese 33:5

Esawu ubanduluka, kumona bakaji ne bana. Kukonka Yakobe ne: — Baudi muende nabu mbanganyi? Yakobe kuandamuna ne: — Mbana bandi mupete ku luse lua Mvidi Mukulu.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

2 Bakalenga 10:1

Ndelanganyi ya Akabe makumi muanda mutekete, ivua isomba mu Samariya. Yehu kutumina balombodi ba bena mvita ba mu tshimenga atshi, bakulu batshi, ne bantu bavua balongesha ndelanganyi ya Akabe mikanda, ubafundila ne:

2 Bakalenga 9:35

Kupatukabu bua kuya kujiika tshitalu tshia Yezabele. Kadi, kusanganabu anu kabalubalu ka mutu, bianza ne makasa.

1 Kulondolola 28:5

Mpindiewu udi usungula muana wa balume mu bana banyi bavule bavuaye mumpeshe bua ampingane, adie bukalenga bua Izrayele mu dina dia Maweja-Nangila.

2 Kulondolola 11:21

Ku bakaji bende bonsu dikumi ne muanda mukulu, bana ba bakalenga, Robowame uvua mupite kunanga Maaka, muana wa Abishalome. Uvua musele kabidi bakaji bakuabu makumi asambombu, bavuaye mubanjije. Uvua ne bana ba balume makumi abidi ne muanda mukulu, ne bana ba bakaji makumi asambombu.

Estere 5:11

Amane kuditambisha kumpala kuabu, bua bubanji buende, bua bana ba bungi bavuaye nabu, ne bua lumu luvua mukalenga mumupeshe. Bualu mukalenga uvua mumuteke mulombodi wa kumpala, mupite banene ba mu bukalenga bonsu, ne baludiki ba ditunga ku muanzu.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Yobe 3:11

Tshiena mudianze kufuila munda mua mamu wanyi bua tshinyi? Bu meme mudianze kufua ku tshilelelu bivua bimpe.

Yobe 3:16

Meme tshivua mua kuikalapu to. Mvua mua kuikala bu muana wa tshituka mubutame, nansha bu bana batekete badi kabayi bamone butoke.

Misambu 58:8

Bapueke ne mayi. Buume bu bisosa bidibu badiata.

Nsumuinu 17:6

Disanka dia bantu bakulumpe mpadibu bamone biikulu babu. Disanka dia bana mpadibu batangile baledi babu.

Muambi 4:3

Kadi, muntu uvuabu kabayi balele ke udi ne dikasa dimpe dipite, bualu kena mumanye malu mabi adi bantu benzelangane panu.

Muambi 6:4

Bualu muana ewu mbamuimite patupu, mmubuele mu miidima kayi dina, kabayi bamuvuluke.

Yirmeya 22:19

Nebamujike bu nyama. Nebakoke tshitalu tshiende panshi, bua kutshimansha, kutshiela pambelu pa biibi bia Yerushalayime.

Yirmeya 36:30

Ke padi Maweja-Nangila wamba ne: Ku ndelanganyi ya Yoyakime kakuakuikala muntu nansha umue udi mua kubuela mu bukalenga bua Davide kunyima kuende. Tshitalu tshia Yoyakime nebatshimanshe pambelu, butuku netshikanyanyanye ne mashika, mu munya netshiuminyine ne luya.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.