Muambi 3:12 - MUKANDA WA MYIDI MUKULU

¹² Nanku meme kumvua ne: Diakalenga didi muntu nadi didi amu kusanka, ne kusomba bimpe panu patshidiye ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Ndi mumanye ne, Kakuena bualu buimpe bu kusanka ne kuenza malu mimpe matuku onso hatshidi muntu ne muoyo.

Muambi 3:12 ပူးပေါင်းရင်းမြစ်များ

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Muambi 2:3

Mvua mukebe masanka pa kunua maluvu, mvua muidikije bidi bantu bapote benza. Kadi meji avua ashala ne bumfumu mu muoyi wanyi. Mvua musue kujingulula ne: bantu badi mua kupeta diakalenga mene matuku adibu basomba panu anyi?

Muambi 3:22

Nanku ndi mumone ne: kakuena bidi mua kusankisha muntu bipite bia ku disanka dia mudimu wende. Ke bionsu bidiye ne bua kuenza panu, bualu kakuena udi mua kumupingaja pa buloba bua amone bidi ne bua kuenzeka kunyima kuende.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 26:11

Pashishe nuenu bena Izrayele, nusanke ne meku enu onsu bua bionsu bidi Maweja-Nangila Mvidi Mukulu wenu munuenzele. Kadi nusanke pamue ne bena Levi, ne benyi badi mu ditunga dienu.

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.

1 Timote 6:18

Ubambile bua benze malu amu mimpe. Buabu buneme buikale mu midimu ya luse. Bikale bantu ba kalolu, badi bamanye mua kuabanyangana ne bakuabu bidibu nabi.