Muambi 2:23 - MUKANDA WA MYIDI MUKULU

²³ Midimu yende idi imupetesha amu dikenga ne kanyinganyinga buatshia buatshia. Nansha butuku, lungenyi luende kaluena ne dikisha to. Bushuwa, ebi bionsu kabiena biumvuika nansha!

Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua matuku andi onso adi ne ntatu ne mudimu wandi udi wa kanyinganyinga; mutshima wandi mene kawena wikisha butuku. Ebu mbualu bua hatuhu kabidi.

Muambi 2:23 ပူးပေါင်းရင်းမြစ်များ

Genese 3:17

Pashishe Maweja-Nangila Mvidi Mukulu kuambila mulume ne: — Bua pawitabi diyi dia mukajebe, wewe kudia tshimuma tshimvua mukukandike, ndi ntshipa buloba bua tshilema tshiuvua muenze. Tshiakudia tshiebe neutshipete anu pawenza mudimu mukole matuku onsu audi ne muoyi pa buloba.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Estere 6:1

Butuku abu, mukalenga kawa mumone tulu kuisu to. Kutumaye diyi bua bamutuadile mukanda udi ulondolola malu avua menzeke mu bukalenga. Bobu kumutuadilawu, kuubalabu.

Yobe 14:1

Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

Yobe 5:7

Kadi dikenga dionsu didi difuma munda mua muntu bu mudi tuntolentole tua kapia tupatuka mu kapia.

Misambu 127:2

Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

Misambu 32:4

Bualu dituku dijima, tshianza tshiebe wewe, Maweja-Nangila, tshivua tshinkengesha, tshindamina panshi. Bu mudi mutshi wa matuku a minanga, tshitshivua ne bukole.

Misambu 90:15

Udi mutukengeshe musangu mule. Kadi mpindiewu, utupeshe masanka, mu bungi bua bidimu bituvua bakenge.

Muambi 1:13

Meme kukenketa ne muoyi wanyi mujima, malu adi enza mu bantu, bua mmone mua kuajingulula. Kadi ebi bidi amu mudimu wa lutatu udi Mvidi Mukulu wenzeja bantu!

Muambi 1:18

Muntu udi ne meji a bungi, udi upeta kabidi ntatu mipite. Muntu udi wenda ulonga malu, makenga ende adi enda avulangana.

Muambi 2:11

Kadi diba adi mvua mutangile midimu yanyi yonsu ne ntatu imvua mupete pa kuyikuata. Nanku meme kumona ne: bionsu bidi patupu, bidi amu bu kuipatangana tshianana ne lupepele. Kakuena bua nsongu budi bantu bapeta panu to.

Muambi 5:12

Kudi bualu bubi bupite bundi mmona panu apa: ke mubanji udi uteka lupetu luende ku luseke, kadi ubuela amu mu dikenga.

Muambi 5:17

Nanku tshindi mumanya tshidi nunku: diakalenga dia muntu ke kudia, ne kusanka ne bidiye upeta ku midimu yende matuku onsu adiye ne muoyi pa buloba. Ke mudimu udi Mvidi Mukulu utufundila panu!

Muambi 8:16

Mvua muenze muanyi muonsu bua kumanya mudi muntu mua kupeta meji. Mvua njooja kabidi midimu idi bantu bakuata pa buloba. Meme kumona ne: nansha tuetu bashale ne tshitabela munya ne butuku, katuena mua kumanya mudi Mvidi Mukulu upita ne malu onsu adi amueneka pa buloba to. Nansha tuetu bakeba bapungila, katuakumanya mudi Mvidi Mukulu ukuata mudimu. Muntu wa meji udi wamba ne: meme ndi mumanye, udi udidinga.

Danyele 6:18

Kutualabu dibue bua kudijibika ku mushiku wa buina. Mukalenga wa bakalenga kutua tshitampi tshiende pa dibue, ne tshia bantu banene ba mu bukalenga buende, bua muntu nansha umue kashintuludi bualu bua Daniyele.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.