Muambi 11:8 - MUKANDA WA MYIDI MUKULU

⁸ Muntu udi ne bua kusanka bua tshidimu tshionsu tshidiye ne muoyi, nansha yeye mushale panu bidimu bi-vule. Kadi tuvulukayi se: matuku a miidima neikale a bungi. Kadi bionsu biavua kuenzeka bidi amu tshianana.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Biashala muntu ne muoyo bidimu bia bungi, asankilemu; kadi avuluke biandi kabidi matuku a mîdima, bualu bua neikale a bungi. Malu onso alualua adi hatuhu.

Muambi 11:8 ပူးပေါင်းရင်းမြစ်များ

Yobe 10:21

Nkadi makasa matangila mu ditunga dia bafue, dia miidima, tshiena mua kupingana panu to.

Yobe 10:22

Mu ditunga adi mudi amu miidima ne tshimvundu, nansha munya kabidi mmufuanangane ne butuku.

Yobe 14:10

Kadi padi muntu ufua, kuende nkujika! Neumukebele penyi?

Yobe 14:12

Kadi muntu udi mufue, kakubika to. Kakujuka ku tulu tuende tua ndekelu to. Neatabale amu diba didi diulu dibutuka, dijimina.

Yobe 15:23

Nyunyi ya mikanku neituzokole, katuedi mpata! Bakadi basue kutubutula.

Yobe 18:18

Nebamuipate mu butoke, bua abuele mu miidima. Nebamuipate mu buloba budi bantu base.

Misambu 49:20

kadi neafue, neaye kumonangana ne bankambua bende, badi bashala mu miidima kashidi.

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

Muambi 2:15

Pandi meme ne nshikidilu wa momumue ne wa mupote, meji andi mumupite nawu adi angambuluishe ku tshinyi? Nanku meme kumona ne: ebi bionsu bidi tshianana.

Muambi 2:17

Nanku bia panu bivua bintonde. Ke meme kudiwula malu onsu adi bantu benza muinshi mua diba, bualu adi a tshianana, adi bu kuipatangana ne lupepele.

Muambi 2:19

Yeye neakuate mudimu bu muena meji, nansha bu mupote anyi? Udi mua kuandamuna lukonku alu nnganyi? Kadi neapete bintu bionsu bimvua musangishe panu ku mudimu umvua mukuate ne ku meji amvua nawu. Bionsu ebi kabiena biumvuika to!

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Muambi 4:16

Bantu ba bungi badi bamulonda. Kadi yeye mumane kufua bantu kabakumuela kabidi tuasakidila bua bivuaye muenze nansha. Nanku ebi bionsu kabidi, bidi amu tshianana, bidi bu kuipatangana ne lupepele.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Muambi 6:11

Patudi tuelangana mpata, miaku yetu kayena itupetesha tshintu. Tshia nsongu tshituapetaku ntshinyi?

Muambi 6:6

Muana awu mmupite muntu udi mushale ne muoyi nansha bidimu binunu bibidi, kadi kayi ne diakalenga. Ku ndekelu kua bionsu, buonsu babidi nebaye muaba wa momumue.

Muambi 7:14

Dituku dia disanka, usanke. Dituku dia dikenga, wela meji bimpe. Mvidi Mukulu udi utuma dikenga nansha disanka bua muntu kamanyi malu atshidi kumpala kuende.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yowele 2:2

Dituku adi ndia miidima mikole, ndia mavuba ne mabungi. Tshisumbu tshia mpasu tshidi tshifika, tshinene, tshikuatshisha bowa! Tshidi tshifikisha panshi, bu mudi butuku bufikisha pa mikuna. Katshia kabena banji kumona bualu bua mushindu ewu, kabena mua kubumona kabidi to.

Matayi 22:13

Nenku mukalenga kuambila bena mudimu ne: “Musuikayi ku makasa ne ku bianza. Numuimanshe pambelu mu midima, bua aye kudidilapu, asumakajilapu menu.”

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.