Muambi 10:8 - MUKANDA WA MYIDI MUKULU

⁸ Muntu udi mumbule dijimba udi mua kuponamu, udi ubumbula tshimana badi mua kumusuma kudi nyoka.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Udi umbula dijimba neadishindemu; udi uluhula disoso mu tshimanu, nyoka neumusume.

Muambi 10:8 ပူးပေါင်းရင်းမြစ်များ

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

2 Samuele 18:15

Bansongalume dikumi bena mvita, bavua bambula bia mvita bia Yowabe, inyunguluka Absalome, kumushipa kashidi.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Misambu 57:6

Mvidi Mukulu, leja bumfumu buebe budi bupite diulu, ne butumbi buebe budi bukenka pa buloba bujima.

Nsumuinu 11:6

Buakane bua mulamatshi wa Mvidi Mukulu budi bumujikila njiwu. Kadi lukuka lua badi badingangana ludi lubafila ku kabutu.

Nsumuinu 26:27

Udi umbuila mukuende dijimba neakulukemu. Dibue diudi ubunguluja nedikubungulukile pambidi.

Muambi 10:9

Mumbudi wa mabue udi mua kutapika. Mupandi wa nkunyi udi ne njiwu pabuipi.

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Amosa 9:3

Nansha baye kusokoma pa mukuna wa Karmele, nembasanganemu, mbakuata. Nansha baye kubutama muinshi mua mayi manene bua tshiyi mbamona kabidi, nembatumine nyoka munene wa mu mayi, aye kubasuma muine amu.

Balombodi 9:5

Abimeleke kuya mu nzubu wa tatuende ku Ofra. Muaba awu kushipaye bana babu makumi muanda mutekete, bana ba Yerubaale. Kubashipelaye anu pa lubuebue lumue. Amu Yotame, muana mukala, ke uvua mupande, bualu uvua musokome.