Muambi 1:2 - MUKANDA WA MYIDI MUKULU

² Muambi udi wamba ne: malu onsu adi tshianana menemene. Malu onsu adi apita patupu. Kaena ne mushinga.

Mukanda wa Nzambi Dihungila Dikulukulu ne Dihungila Dihia-dihia 2003

² Muambi udi Wamba ne, Malu a hatuhu, malu a hatuhu! Malu onso adi hatuhu.

Muambi 1:2 ပူးပေါင်းရင်းမြစ်များ

Yobe 11:12

Kadi muntu wa tshidingidingi neapete lungenyi, anu dituku didi nyama wa mpunde wa muitu, uvua mpunde wa pambelu.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Misambu 89:47

Maweja-Nangila, neusokome kashidi anyi? tshiji tshiebe netshioshe bu kapia too ne diba kaayi?

Muambi 11:10

Umbusha mu muoyi webe malu onsu adi akubungamija, kabidi mu mubidi webe bionsu bidi bikusankisha. Bualu bunsonga ne bukole bidi bijimina lukasa.

Muambi 11:8

Muntu udi ne bua kusanka bua tshidimu tshionsu tshidiye ne muoyi, nansha yeye mushale panu bidimu bi-vule. Kadi tuvulukayi se: matuku a miidima neikale a bungi. Kadi bionsu biavua kuenzeka bidi amu tshianana.

Muambi 12:8

Muambi udi wamba ne: Malu onsu adi tshianana, adi patupu, kaayi atupetesha tshintu.

Muambi 2:11

Kadi diba adi mvua mutangile midimu yanyi yonsu ne ntatu imvua mupete pa kuyikuata. Nanku meme kumona ne: bionsu bidi patupu, bidi amu bu kuipatangana tshianana ne lupepele. Kakuena bua nsongu budi bantu bapeta panu to.

Muambi 2:15

Pandi meme ne nshikidilu wa momumue ne wa mupote, meji andi mumupite nawu adi angambuluishe ku tshinyi? Nanku meme kumona ne: ebi bionsu bidi tshianana.

Muambi 2:17

Nanku bia panu bivua bintonde. Ke meme kudiwula malu onsu adi bantu benza muinshi mua diba, bualu adi a tshianana, adi bu kuipatangana ne lupepele.

Muambi 2:19

Yeye neakuate mudimu bu muena meji, nansha bu mupote anyi? Udi mua kuandamuna lukonku alu nnganyi? Kadi neapete bintu bionsu bimvua musangishe panu ku mudimu umvua mukuate ne ku meji amvua nawu. Bionsu ebi kabiena biumvuika to!

Muambi 2:21

Muntu udi ukuata mudimu ne meji, kabidi ne lungenyi, upeta tshipeta tshimpe, kadi tudi tumumona ushiya bintu biende abi kudi uvua kayi mubienzele mudimu bua kubipeta. Ebi kabiena biumvuika to, kabiena bimpe nansha.

Muambi 2:23

Midimu yende idi imupetesha amu dikenga ne kanyinganyinga buatshia buatshia. Nansha butuku, lungenyi luende kaluena ne dikisha to. Bushuwa, ebi bionsu kabiena biumvuika nansha!

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Muambi 2:8

Meme kunguja tshiamu tshitoke tshia mushinga mukole ne mpawungi, ne bintu bia mushinga mukole bivua bifumine kudi bakalenga ne kudi balombodi ba maloba, bavua ku bumfumu buanyi. Mvua ne bena misambu balume ne bakaji, bavua bangimbila bua kunsankisha. Mvua musele bakaji bavule, bungi budi muntu mua kujinga.

Muambi 3:19

Bualu ndekelu wa muntu udi amu wa momumue ne wa nyama. Mudi muntu ne mueyelu, nyama udi nawu. Bionsu bibidi bidi ne bua kufua momumue. Muntu kena mupite nyama ku tshintu nansha tshimue to, bualu ku ndekelu bionsu bidi tshianana.

Muambi 4:16

Bantu ba bungi badi bamulonda. Kadi yeye mumane kufua bantu kabakumuela kabidi tuasakidila bua bivuaye muenze nansha. Nanku ebi bionsu kabidi, bidi amu tshianana, bidi bu kuipatangana ne lupepele.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Muambi 5:10

Padi muntu ne biuma bivule, bantu bavule badi babidia. Biuma nebilengelele muenabi ku tshinyi? Bushuwa udi mua kubitangila ne mesu, kadi tshikuabu tshidiye upeta ntshinyi?

Muambi 6:11

Patudi tuelangana mpata, miaku yetu kayena itupetesha tshintu. Tshia nsongu tshituapetaku ntshinyi?

Rome 8:20

Bualu bifukibua mbibuele ku bumfumu bua bidi kabiyi mua kubilengelela. Bifukibua kabivua binanga bua bienzeke nanku. Kadi Mvidi Mukulu mmubiteke nanku. Kadi ditekemena ditshidiku: