Muambi 1:11 - MUKANDA WA MYIDI MUKULU

¹¹ Kadi tudi tupua muoyi bivua bienzekela bankambua betu. Nenku bitudi tuenza mpindiewu, nansha bidi ndelanganyi yetu ne bua kuenza maloba, nebabipue muoyi kabidi amu lukasa.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kabena bavuluka bantu ba kale; balualua ha nyima kabena babavuluka kudi bantu badi babalonda kabidi.

Muambi 1:11 ပူးပေါင်းရင်းမြစ်များ

Misambu 9:6

Udi utandisha bisamba bidi bikubenga, ubutula bantu badi kabayi bakulamate, ukupula mena abu kashidi tshiendelela.

Muambi 1:10

Padi bualu buenzeka, tudi mua kuamba ne: “Tangilayi bualu bupiabupia!” Kadi bualu bua nanku buvua bumane kuenzeka kalekale kabayi banji kutulela.

Muambi 2:16

Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Muambi 8:10

Meme kumona bantu babi bavuabu bajika. Bantu babi abu bavua bayayaya pabu mu nzubu wa Mvidi Mukulu. Nanku bantu bakavua bamane kupua muoyi malu awa bantu babi aba benza mu tshimenga tshia Yerushalayime. Ebi bionsu kabidi bidi amu tshianana.

Muambi 9:5

Bualu bantu ba muoyi mbamanye ne: netufue. Kadi bafue bobu ki mbamanye kalu nansha kamue. Bafue kabena bindila kantu, bualu bakadi babapue muoyi.

Yeshaya 42:9

Malu amvua munumanyishe kumpala, akadi mamane kuenzeka. Ndi nnuambila malu mapiamapia mpindiewu. Ndi nnumanyishawu, kaayi manji kuenzeka.