Muadi 5:8 - MUKANDA WA MYIDI MUKULU

⁸ Bapika ke badi bamfumu betu. Kakuena muntu nansha umue udi mua kutupikula ku bianza biabu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bahika badi batukokesha, kakuena muntu wa kutuhandisha mu bianza biabo.

Muadi 5:8 ပူးပေါင်းရင်းမြစ်များ

Genese 9:25

Kumuelaye mulawu wamba ne: “Kenaane ikale muena diakabi! Ikale mupika wa bana babu.”

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 5:4

“Bana bende, kabapetshi udi mua kubambuluisha. Babafundile tshibawu ku kabadi! Kakuena muntu udi mua kubasungidila.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Misambu 7:2

Maweja-Nangila Mvidi Mukulu wanyi, ndi nyemena kuudi. Umpandishe, unsungile kudi bonsu badi bankengesha.

Nsumuinu 30:22

ke mupika udi ushala mukalenga wa ditunga, mutshimbakane udi udia ondoloka,

Yeshaya 43:13

Nengikale Mvidi Mukulu kashidi. Muntu kakungenzeja malu ku bukole. Muntu kakukudimuna bindi ngenza to.

Osheya 2:10

Mukaji awu kavua muitabe ne: meme Maweja-Nangila ke uvua umupesha ntete ya kuenza bukula, maluvu a mvinyo, ne mafuta mapiamapia. Meme ke uvua mumunemeshe ne nkanu ya tshiamu tshitoke tshia mushinga mukole, ne ya mpawungi, bivuaye utendelela nabi mvidie Baale.

Zekâya 11:6

Ke pandi meme Maweja-Nangila ngamba ne: Tshiena mfuila bantu ba mu buloba ebu luse kabidi to. Nemfile muntu yonsu mu bianza bia muena mutumba nende, ne mu bianza bia mukalenga wende. Bakalenga nebanyangakaje buloba. Tshiena usungidila muntu ku bianza biabu.

Dielulula 28:43

Bantu benyi badi munkatshi muenu nebikale ne bukole bua bungi. Kadi bukole buenu nebukepele.