Muadi 5:17 - MUKANDA WA MYIDI MUKULU

¹⁷ Muoyi wetu udi usama munda, mesu etu adi muwule ne binsonji,

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bua bualu ebu mitshima yetu yakuteketa; bua malu â mesu etu adi bitayitayi;

Muadi 5:17 ပူးပေါင်းရင်းမြစ်များ

Yobe 17:7

Bua dikenga dindi nadi, mesu anyi adi amona bilejileji, mubidi udi mpindiewu anu bu mundidimbi.

Misambu 31:9

Kuvua muanyishe bua baluishi bankuate. Wewe kunkopola, bua ngenze mundi musue.

Misambu 38:8

Munda munjukuke luya. Mubidi mmuntukakane onsu mujima.

Misambu 6:7

Mikemu yanyi mmimpungije. Butuku bujima ndi ndila amu kudila, mbolesha bulalu buanyi ne binsonji.

Misambu 69:3

Ndi mudine mu lunteka ludi kaluyi ne muaba wa kuimana. Ndi munkatshi mua dilembua, mayi ampuekesha.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 38:14

Ndi ngela mbila mikole, bu kandindi, ntua mikemu ne kanyinganyinga, bu kamanda-nkutshi. Mesu anyi adi atangila mulu, apungila. Maweja-Nangila, ungambuluishe! Ndi nkenga, mioyi mminshikile munda.

Yirmeya 46:5

Kadi Maweja-Nangila udi webeja ne: Bidi bienzeka mbinganyi? Tshindi mmona ntshinyi? Badi bumuka muaba udibu bimane, basemena panyima. Nansha bobu bilobu, badi babatshimuna! Bonsu badi banyema lubilu eku ne eku. Kabena batangila kunyima. Bowa budi butampakana miaba yonsu!

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Muadi 1:13

Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Muadi 1:22

Tangila bimpe tshikisu tshiabu. Ubenzele muuvua mungenzele meme, bua malu mabi anyi onsu. Mona mundi ntua mikemu. Ndi ne kanyinganyinga kakole.

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Yezekiyele 21:15

Mbausakishe bua kushipa bantu. Mbaupele, mbausukule bua wengelele, wele nsese.

Yezekiyele 21:7

— Yezekiyele, kudimuka utangile ku Yerushalayime. Ukanyine miaba ya kutendelela mvidie, utandishe ditunga dia Izrayele.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Mika 6:13

Nenku, ndi mubange kununyoka, nennubutule, bua malu mabi enu.

Dielulula 28:65

Munkatshi mua bisamba bia bende abi, kanuakuikala ne dikisha to. Kanuakuikala ne muaba wa kusomba to. Nanku Maweja-Nangila neanukengeshe bikole. Nenuikale ne kanyinganyinga mu mioyi yenu. Mesu enu kaakumona bimpe to. Nenuikale ne bowa, nuteketa mu maboku.