Muadi 5:16 - MUKANDA WA MYIDI MUKULU

¹⁶ Buneme buetu mbujike! Tudi ne diakabi, bualu tuvua benzele Maweja-Nangila bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Tshifulu tshia butumbi tshiakutuka ku mutu kuetu; tudi ne mulau! Bualu bua tuakuenza bibi.

Muadi 5:16 ပူးပေါင်းရင်းမြစ်များ

Yobe 19:9

Mmunyange lumu luanyi, mmunyenge bubanji bumvua nabu.

Misambu 89:39

Kadi wewe udi mubenge mukalenga uuvua mujidile, udi mumulekele, udi mumufikile munda.

Nsumuinu 14:34

Kuenza malu makane nkuyisha ditunga kumpala. Kadi malu mabi adi akuatshisha ditunga bundu.

Nsumuinu 27:24

Bualu biuma kabiena bishala kashidi. Udi mumanye ne: nansha tshifulu tshia bumfumu katshiena tshisambuluka mu diku dimue kashidi to.

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yirmeya 2:17

Bionsu ebi mbienzeke, bualu nuenu bena Izrayele nudi badikebele diakabi. Nudi babenge Maweja-Nangila, Mvidi Mukulu wenu, uvua unulombola mu njila.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 32:23

Bushuwa, bavua bangata ditunga edi. Kadi kabavua bateleja tshiuvua wamba. Kabavua balonda mikenji yebe. Kabavua benza tshiuvua mubatumine diyi. Ke muuvua mutume makenga onsu aa atudi tumona lelu.

Yirmeya 4:18

Yerushalayime, bionsu ebi bikuenzekela, bua buenzavi buebe, ne bua bubi buonsu buudi muenze. Udi umvua dikenga edi dikutonda, difika too ne ku muoyi webe wa munda. Didi bu muele udi mubuele mu muoyi webe.

Muadi 1:1

Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Muadi 1:18

Maweja-Nangila mmuenze amu bimpe, bualu mvua mubenge kuitaba ku meyi ende. Nuenu bonsu badi apa, telejayi bimpe, tangilayi dikenga dianyi: nsongakaji yanyi ne nsongalume yanyi idi iya mu bupika.

Muadi 1:20

Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Muadi 2:1

Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 21:26

Mukalenga wa mu Babilone udi wimana mu masangu a njila, muaba udi njila ibidi ituadija bua amone mua kutempa lubuku. Udi unyungisha mikete, webeja mvidie malu, ukenketa mitshima ya nyama.

Mika 6:13

Nenku, ndi mubange kununyoka, nennubutule, bua malu mabi enu.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Didimanyisha 3:11

Nkadi mu njila. Lama muebe muonsu biudi nabi. Tshianana bakuabu nebakunyenge nsala webe wa lumu.

1 Samuele 7:6

Bena Izrayele kudisangisha ku Mispa. Kusunabu mayi, kuitshikijabu panshi kumpala kua Maweja-Nangila. Kujilabu biakudia dituku adi. Pashishe kutondabu mibi yabu, bamba ne: tuvua batombokela Maweja-Nangila. Nanku, anu ku Mispa aku, Samuwele kutuadija kulombola bena Izrayele.