Muadi 5:13 - MUKANDA WA MYIDI MUKULU

¹³ Bansongalume badi bambula dibue dia tshipelelu, bana ba balume badi batetuka, bua bujitu bua nkunyi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bansongalume badi benza mu dimu wa kuhela blé ha dibue, batshidi bana badi balenduka bua bujitu bua nkunyi.

Muadi 5:13 ပူးပေါင်းရင်းမြစ်များ

Yobe 31:10

nanku mukajanyi akuatshile muntu mukuabu mudimu. Balume bonsu bamubuelele mu nzubu!

Ekesode 1:11

Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Ekesode 11:5

Nenshipe muanabute yonsu wa bena Ejipitu biangatshile kudi muanabute wa mukalenga, uvua mua kupiana bumfumu bua ditunga too ne kudi muanabute wa mukaji mupika udi upelesha bukula. Nenshipe kabidi bamuanabute ba bimuna.

Ekesode 2:11

Moshe mumane kukola, kuyaye bua kumonangana ne bana babu. Kusanganaye bakengesha bana babu ne midimu mipite bukole. Diakamue kumonaye muena Ejipitu utuuta muanabu wa bena Ebrewu.

Ekesode 23:5

Nuenu basangane mpunde wa muena lukuna nenu mudishinde ne bujitu, kanupitshi to. Numujule pamue ne muena lukuna, nuakaje bujitu.

Yeshaya 47:2

Angata mabue abidi a kupela nawu, upele bukula. Umbushe tshilamba tshidi tshikubuikila mpala. Ubandishe muntumpu uudi muele, uleje bantu mikolu yebe, bua umone mua kusabuka musulu.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yirmeya 7:18

Bana badi bangula nkunyi, batatu batemesha kapia, bakaji balamba mikata bua mvidie udibu binyika ne: mukalenga mukaji wa mu diulu. Padibu balambula milambu ya maluvu a mvinyo kudi mvidie ya bantu ba bisamba bikuabu, badi bampenda meme Maweja-Nangila.

Matayi 23:4

Badi basuika mabuki a bujitu, baambuisha bantu pa makaya abu. Kadi bobu kabena mua kualenga nansha ne munu bua kuambula.

Balombodi 16:21

Nanku bena Peleshete kumukuata, kumutonkona mesu. Kuyabu nende mu tshimenga tshia Sora. Kumusuikabu ne nkanu mikunze, kumuela mu nzubu wa lukanu. Kumuenzejabu muaba awu mudimu wa kushipula ntete.