Muadi 5:1 - MUKANDA WA MYIDI MUKULU

¹ Maweja-Nangila, kupu muoyi malu adi matuenzekele. Tangila, umone mudibu batupenda.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, uvuluke bualu buakutukuata; tangila, umone bu mutudi bakuatshike bundu.

Muadi 5:1 ပူးပေါင်းရင်းမြစ်များ

Nehemya 1:3

Kungambilabu ne: — Bantu bavua mu bupika. mbasombe mu ditunga dia bena Yuda. Kadi badi mu dikenga dinene. Kabidi bantu badi babapeja bikole. Bimana bia tshimenga tshia Yerushalayime mbiupuke miaba mivule. Biibi biatshi mbiosha ne kapia.

Nehemya 1:8

Uvuluke meyi ebe avua Moshe mutuambile ne: “Nuenu kanuyi bangitabe ne muoyi umue, nennutangalaje munkatshi mua bisamba bikuabu.

Nehemya 4:4

Kadi bena Yuda bavua bamba ne: “Bena mudimu kabena kabidi ne bukole to. Bintu bidi binyanguke mbipite bungi. Kakuena mushindu wa kuibakulula bimana kujikija to!”

Yobe 10:9

Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Yobe 7:7

Eyi Mvidi Mukulu, umanye ne matuku anyi a panu adi amu lupepela. Diakalenga dianyi ndimane kujika kashidi.

Misambu 119:153

Mona dikenga dianyi, unsungidile, bualu tshiena mpua mikenji yebe muoyi.

Misambu 74:18

Maweja-Nangila, vuluka mudi muluishi ukufunyina, mudi bantu batatakane aba bakuseka.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Misambu 79:4

Tuetu aba, bena mutumba badi batupenda, badi netu pabuipi badi batulembakaja.

Yeshaya 62:6

Ndi muteke batentekedi pa bimana biebe wewe Yerushalayime. Kabena ne bua kupuwa, nansha munya nansha butuku. “Nuenu badi bavuluija Maweja-Nangila malaya avuaye mulaye bena Yerushalayime, kanuladi nansha kakese.

Yirmeya 15:15

Kadi wewe, Maweja-Nangila, udi mumanye bimpe malu anyi onsu. Umvuluke, ungambuluishe. Unsombuele kudi baluishi banyi, Wewe mulame lutulu kuyi ubanyoka lukasa, nebanshipe. Umanye ne: bipendu ebi ndi mbilengulula anu bualu buebe.

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Muadi 1:20

Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 2:15

Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Muadi 2:20

Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Muadi 3:19

Kuvuluka bundu ne dilalakana bianyi kudi kungenza bululu bu lulengu.

Muadi 3:50

Ndi ngindila too ne padi Maweja-Nangila winama panshi, bua kutangila ne kumona malu aa.

Muadi 3:61

Maweja-Nangila uvua mumvue bipendu ebi, ne meji mabi avuabu bangelele.

Abakuke 3:2

Eyi, Maweja-Nangila wanyi, ndi mumvue biuvua mungambile, kadi bidi binkuatshisha bowa. Patutshidi ne muoyi apa, utuenzele kabidi malu a dikema auvua muenzenze kale. Nansha wewe mutufikile munda pa bualu, utufuile kabidi amu luse.

Luke 23:42

Ke kuambaye kabidi ne: — Yezu, wamyuluka, pawabuela mu Bukalenga buebe.