Muadi 4:7 - MUKANDA WA MYIDI MUKULU

⁷ Bana ba bamfumu bavua bakenka, bapite neje, bavua bapite mabele ku butoke. Mibidi yabu ivua mimpe, mikunzubile mipite mabue a koraye. Mijilu ya mu mibidi yabu ivua mifikuluke, bu dibue dia safire dia mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakokeshi bandi bakadi ne mitshima mihite neige butoke, yakahita mabele kutoka; mibidi yabo yakadi ne lukunjilakunjila luhite dibue dia corail kukunza; dinkenke diai diakadi bu dia dibue dia saphir.

Muadi 4:7 ပူးပေါင်းရင်းမြစ်များ

Yobe 28:16

Kaena mushinga umue ne tshiamu tshia mpawungi, tshia safire, nansha ne mabue a mushinga mukole a komaline.

Yobe 28:18

Mabue makuabu a mushinga mukole: a korale anyi a kristale, kaena ne mushinga bu wa meji. Kupeta meji nkupita kukeba mabue a busanga mu mayi.

Misambu 144:12

Bana betu ba balume bikale bu mitshi idi ikola biakane biangatshile ku buana buayi! Bana betu ba bakaji bikale ba mpala mimpe, bu mudi makunji mazola adibu balengeja nawu nzubu ya bakalenga!

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Ekesode 24:10

Kumonabu Mvidi Mukulu wa Izrayele, muimane pa mabue matoke a mushinga mukole, engelela. Mabue awu avua mafuanangane ne mubidi wa tshibuashibuashi.

Musambu wa Solomo 5:10

Munanga wanyi udi muimpe mutambe bu tshiamu tshikunze. Udi wa bukole bupite. Ku bantu binunu dikumi amu umue udi mumufuane!

Musambu wa Solomo 5:15

Mikolu yende idi bu makunji a mabue matoke masonga, mashindika bikole pa bitaku bia tshiamu tshia mpawungi. Udi mufuane mikuna ya mu Lebanone. Udi ne bukole bu bua mutshi wa sedre.

Danyele 1:15

Matuku dikumi akumbana, kumonabu mpala yabu mimpe, mibidi misenene bikole ne bujitu bupite bua nsongalume ivua idia biakudia bia mumue ne bia mukalenga.

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Balombodi 13:5

Bualu newimite difu, neulele muana wa balume. Nsongalume ewu, kabena mua kumukosa nsuki to. Bualu yeye kayi muanji kuledibua, mmumane kujidila kudi Mvidi Mukulu. Yeye ke watuadija kusungila bena Izrayele mu bianza bia bena Peleshete.

Balombodi 13:7

Uvua mungambile ne: newimite difu, neulele muana wa balume. Mmumane kunkandika maluvu a mvinyo, maluvu makole makuabu, nansha biakudia bidi ne mikiya. Bualu nsongalume awu, kayi muanji kuledibua too ne muafuaye, neikale muntu mujidila kudi Mvidi Mukulu.

Balombodi 16:17

Nanku kujinguluilaye Dalila bualu abu, umuambila ne: — Nsuki yanyi kabena banji kuyikosa to, bualu meme ndi mujidila kudi Mvidi Mukulu diambedi, tshiyi muanji kuledibua. Bobu bankose nsuki yanyi, tshiakuikala ne bukole to. Nengikale bu bantu bonsu.

1 Samuele 16:12

Ke Ishayi kubikidisha muana awu. Nsongalume awu uvua ne mubidi mukunze, ne mpala muimpe mutambe, mesu abalakana. Ke Maweja-Nangila kuambila Samuwele ne: “Ke muana undi musungule ewu. Umujidile bua kuikalaye mukalenga.”