Muadi 4:20 - MUKANDA WA MYIDI MUKULU

²⁰ Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

Muadi 4:20 ပူးပေါင်းရင်းမြစ်များ

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 44:30

Pashishe Yuda kuambila kabidi Yozefe ne: — Tshiena mua kupingana kudi tatu, tshiyi ne nsongalume ewu to. Muoyi wa tatu udi anu kudi muana ewu.

2 Samuele 1:14

Davide kuela lubila ne: — Muudi kuyi mutshine bua kushipa mukalenga uvua Maweja-Nangila musungule mbishi?

2 Samuele 1:21

Ku mikuna ya Ngilbowa, lumuma nansha mvula kabiloki! Mu bibandabanda biayi, kamuikadi biakudia mu madimi! Bualu ke muaba uvuabu bimanshe ngabu ya bena mvita ngabu wa Shawule udibu kabayi mua kufita kabidi manyi.

2 Samuele 18:3

Kadi bena mvita kubenga, bamba ne: — Nansha, kuena mua kuya netu to. Bualu pikala baluishi batutshimuna, tuetu banyema, baluishi kabena batukeba tuetu to. Nansha baluishi bashipe tshia bibidi tshimue tshia bena mvita betu, kabena bamona bu bualu to. Badi bakukeba anu wewe. Bualu wewe nkayebe udi mupite bena mvita betu binunu dikumi. Nanku tudi basue bua ushale mu tshimenga, bua wikale utuambuluisha, ututumina bitudi tukengela.

2 Samuele 19:21

Ndi mumanye bimpe ne: ndi muenze bibi. Kadi, mukalenga, lelu umone mundi mupueke bua kusambakena nebe, bena Izrayele bakuabu bonsu ba ku mutu wa ditunga kabayi banji kufika.

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yirmeya 39:5

Kadi bena mvita ba bena Babilone kubalondakaja, kuluisha kabidi mukalenga Sedekiya mu mpata wa Yeriko, kumukuatabu. Pashishe, kumufilabu kudi Nebukadnesare, mukalenga wa mu Babilone uvua ku Ribla mu ditunga dia Amate. Aku ke kuvua mukalenga Nebukadnesare mulumbuluishe mukalenga Sedekiya.

Yirmeya 52:8

Kadi bena mvita ba bena Babilone bavuabalondakaja mukalenga Sedekiya. Kumupetabu mu mpata wa Yeriko. Bena mvita bende bonsu bakavua bamane kumushiya nkayende.

Yirmeya 52:9

Bena Babilone kumukuata, kumuela mu lukanu, kuya nende ku Ribla, kuvua mukalenga wa Babilone musombe mu ditunga dia Amate. Ke kuvua Nebukadnesare mukosela tshilumbu tshia Sedekiya.

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Yezekiyele 12:13

Kadi meme Maweja-Nangila ndi mmuteya bua bamukuate. Nemmutume mu ditunga dia bena Babilone, didiye kayi mua kumona. Kadi neafuilemu.

Yezekiyele 17:18

Bu mudi mukalenga ewu munyange ndondu uvuabu batue, uvua ubenga kunemeka bivuaye mulaye. Bu mudiye muenze nanku, yeye mumane kuditshipa, kena mua kupanda to!”

Yezekiyele 31:17

Yonsu ayi ivua mibuele muinshi mua buloba, muaba udi bantu bavuabu bashipe ku mvita. Bobu ke bavua bambuluisha mutshi awu, basombe munkatshi mua bisamba, mu dileji dinene diawu.

Danyele 4:12

Kadi nushiye amu tshikuku mu buloba ne miji yatshi, tshishale munkatshi mua bisosa bia mu mpata. Nutshisuike ne lukanu lua tshiamu tshifiike, ne lua tshiamu tshikunze, bua tshishale panshi. Lumuma lutshiboleshe, tshidie bisosa bia mu mpata, mudi nyama yenza.

Osheya 13:10

Mukalenga wenu udi penyi? Ke yeye uvua ne bua kunusungidila! Bamfumu benu bonsu badi penyi? Ke bavua ne bua kunulombola! Nuenu ke bavua bandomba mukalenga, bandomba kabidi ne bamfumu.

Balombodi 9:15

Mutshi wa meba kuandamuna ne: ‘Panuikala basue kunsungula bu mukalenga wenu bulelela, imanayi muinshi mua dileji dianyi emu! Nuenu kanuyi benze nanku, kapia nekalakuke ku meba anyi. Nekoshe too ne mitshi ya sedre ya mu Lebanone!’ ”

1 Samuele 12:3

Ke pandi muimana kumpala kuenu, muaba udi Maweja-Nangila ne mukalenga udiye musungule. Pangikala munuenzele bualu bubi, numfunde kudibu patoke too. Ndi muibe ngombe wa muntu anyi? Ndi muibe mpunde wa muntu anyi? Ndi mukengeshe muntu anyi? Ndi muenzele muntu bibi anyi? Ndi muangataku tshintu tshia mabuejila kudi muntu bua tshitangidi buenzayi budiye wenza anyi? Pangikala muangate tshintu tshia muntu, angambile, mmupingajilatshi.

1 Samuele 12:5

Samuwele kuamba ne: — Nanku Maweja-Nangila ne mukalenga Shawule bajadike bualu ebu lelu. Nuenu bena Izrayele kanuena batela bualu bubi nansha bumue bundi meme Samuwele munuenzela. Bena Izrayele kuandamuna ne: — Muwambi amu, mmomu.

1 Samuele 16:6

Ishayi ne bana bende bamane kufika, Samuwele kumona Eliyabe. Kudiambilaye munda ne: “Bulelela, ke udi Maweja-Nangila musungule ewu.”

1 Samuele 24:10

wela Shawule lusanzu ne: — Mukalenga Shawule, bua tshinyi udi witaba malu adi bantu bakuambila ne: meme Davide ndi nkukeba mua kukuenzela bibi?

1 Samuele 24:6

Kadi Davide mumane kukosa tshipesa atshi, kuzakalaye bikole.

1 Samuele 26:16

Bu mudi Maweja-Nangila ne muoyi, paudi ulengulula mudimu webe, kuena wenza bimpe to! Nuenu bena mvita bende bonsu, mbimpe banushipe, bualu kanuena balame mukalenga wenu Shawule bimpe to! Shawule mmukalenga musungula kudi Maweja-Nangila! Kadi, tangila ku mutu kua mukalenga: difuma diende ne mulondu wende wa mayi bidi penyi?

1 Samuele 26:9

Davide kubenga ne: — Nansha, kumushipi to. Udi wela meji ne: muntu udi mushipe muntu udi Maweja-Nangila musungule, kena mua kupeta dinyoka anyi?