Muadi 4:19 - MUKANDA WA MYIDI MUKULU

¹⁹ Batukengeshi betu badi ne lubilu lupite lua nyunyi wa tshiminyi udi ubuka mulu. Badi batuipata pa mikuna, batualamina miaba idi kayiyi bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Batuihatshi bakahita nyunyu ya mikanku ya mulu kuya lubilu; bakatuihata tô ne ha mikuna, bakatualamina mu tshihela.

Muadi 4:19 ပူးပေါင်းရင်းမြစ်များ

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Muadi 1:13

Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Osheya 8:3

Kadi kabena benza malu mimpe. Ke padi baluishi babipata.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Amosa 2:14

Nansha muntu ne lubilu lukole, muaba wa kunyemena, kakuufika. Nansha tshilobu mene katshiakupeta bukole. Bena mvita ba bukitu kabakudisungidila ku lufu.

Abakuke 1:8

Nyama yabu ya tubalu mmipite ya nkashama ku lubilu. Idi ne lonji lupite lua nyama ya bimungu idi yenda ne nzala. Babandi babu ba pa tubalu, badi bafumina kule, benda batupika. Badi ne lubilu bu lua nyunyu ya mikanku, idi imona nyama wa kudia, yikila ne lukuka pambidi pende.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.