Muadi 4:17 - MUKANDA WA MYIDI MUKULU

¹⁷ Tuvua tukengakana ne mesu, tukeba diambuluisha. Kadi, tuetu nansha kudipeta. Tuetu kuindila ne muoyi mujima tshisamba tshivua mua kutusungidila. Kadi nanshatshi kufika.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mesu etu akufula hatuakadi bindile, batekemena dikuatshisha; kadi kuindila kuetu kuakadi hatuhu; tshisamba tshitu akutekemena katshiakadi mua kutusungila.

Muadi 4:17 ပူးပေါင်းရင်းမြစ်များ

2 Bakalenga 24:7

Mukalenga wa bena Ejipitu kavua kabidi ne dikima bua kupatuka mu ditunga diende to. Bualu mukalenga wa bena Babilone uvua mumane kukuata maloba onsu avua kale ku bumfumu bua bena Ejipitu, avua pankatshi pa mukalu uvua ku mutu kua ditunga dia bena Ejipitu, too ne ku Perate, musulu wa bena Babilone.

Yeshaya 20:5

Bonsu bavua batekemena kudi bena Kushe, batemba bena Ejipitu, nebatekete mu maboku, bafue bundu.”

Yeshaya 28:18

Nebashipe ndondu yenu ne lufu. Diumvuangana dienu ne bajangi, kadiakuikalaku kabidi to. Pafika tshipupu, netshinuboze.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yirmeya 2:36

Nudi nutua eku ne eku, nukeba kutua ndondu ne matunga a bende. Kadi bena Ejipitu nebanufuishe bundu, muvua bena Ashure banufuishe bundu.

Yirmeya 2:37

Nenupingane ne bundu, babuikile bianza ku mesu. Bualu, meme Maweja-Nangila, tshiena musue bua nukebe bantu ba nanku bua banuambuluishe. Kanuena mua kupeta diakalenga kudi bantu aba to.

Yirmeya 8:20

Tshikondu tshia kunowa ntshimane kupita. Tshikondu tshia munya mukole ntshijike. Tutshidi anu bindila bua kutusungidilabu.

Muadi 1:19

Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Muadi 1:7

Yerushalayime matuku aa udi mu dikenga, uvuluka bintu bia mushinga mukole bivuaye nabi ku kale. Tshikondu tshivua baluishi bakuate bantu bende, kakuyi muntu nansha umue umuambuluisha, bavua bamutshimune kusankabu, bualu uvua mushale tshintu tshia tshianana.

Muadi 5:6

Bua kudia kuukuta, tudi tuoluela bena Ejipitu ne bena Ashure tshianza.

Yezekiyele 29:16

Bena Izrayele kabakutekemena kabidi kudi bena Ejipitu to. Nanku kabakuenza kabidi bubi. Kabakubikila kabidi bena Ejipitu bua kubambuluisha. Nanku, nebamanye ne: meme ndi Maweja-Nangila.”