Muadi 4:11 - MUKANDA WA MYIDI MUKULU

¹¹ Tshiji tshia Maweja-Nangila ntshijike. Mvidi Mukulu mmutshileje tshionsu. mMuele kapia mu Siyone, kadi kuosha bitaku biende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa wakabakengesha tô ne hakashika tshiji tshiandi, wakahumuna tshiji tshiandi tshitambe bukole; wakatemesha kahia mu Siona, kakosha bishimikidi biandi.

Muadi 4:11 ပူးပေါင်းရင်းမြစ်များ

Yeshaya 51:20

Bana bebe badi basomba panshi mu masangu onsu a njila, kabayi banyunga, kabayi ne bukole. Bavua bu ngulungu ivuabu bakuate mu bukondu. Ke muvua Maweja-Nangila mubanyoke bikole, bua tshiji tshivuaye natshi.

Yirmeya 13:14

Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 21:14

Kadi meme nennuluishe, nennunyoke bua bubi bunuvua benze. Nengoshe mitshi ya sedre idi mu nzubu yenu. Kapia aka nekabutule bionsu. Meme Maweja-Nangila ndi ngamba nanku.

Yirmeya 36:7

Bumue nebasengelele Maweja-Nangila bua abafuile luse. Nanku nebadilengeje. Bualu Maweja-Nangila uvua muambe ne tshiji tshikole ne: bantu aba mbamfikishe munda bikole.

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Muadi 2:1

Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Muadi 2:3

Bua tshiji tshiende tshikole, kutekeshaye bukole buvua Izrayele nabu. Kubengaye kumuambuluisha, pavua muluishi wende mumuvuile. Kuelaye kapia munkatshi mua bantu bende. Kavua kuosha bionsu.

Muadi 2:4

Bu muluishi, kunanaye buta buende. Kushalaye mubunane ne diboku diende dia balume. Kudilejaye mudiye muluishi wetu. Kunyangaye bionsu bivua bitulengelela ku mesu. Kuitshikijaye tshiji tshiende bu kapia pa nzubu wa Mvidi Mukulu wa mu Yerushalayime.

Muadi 2:8

Maweja-Nangila uvua mushindike bua kubutula bimana bia Yerushalayime. Kubiupulaye bionsu, kulandakaja. Tshibumba ne bimana kuela muadi, bionsu kupuka musangu umue.

Muadi 4:22

Nuenu bena Siyone, tshibawu tshienu tshionsu ntshijike. Kabena baya nenu kabidi mu ditunga dia bende nansha. Kadi nuenu, bena Edome, Maweja-Nangila neanunyoke bua bilema bienu, neasokolole malu enu mabi.

Yezekiyele 22:31

Nanku meme kubapumuina tshiji tshianyi. Meme kubabutula mu kapia, bualu mvua mufike munda. Meme kubanyoka bua malu abu mabi. Ke mundi ngamba nanku meme Maweja-Nangila Mvidi Mukulu.

Yezekiyele 36:18

Batata banyanga ditunga bualu bavua bashipa bantu, batendelela mvidie mikuabu. Ke pandi mubanyoke ne tshiji.

Yezekiyele 6:12

Bantu badi mitantshi mile, nebafue ku disama dia tshiambu. Badi pabuipi, nebafue ku mvita. Badi bashale ne muoyi mu tshimenga tshidibu baluisha, nebafue ku nzala. Nembenzele mudi tshiji tshianyi tshingambila.

Danyele 9:12

Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Sefanya 2:2

kanuyi banji kutangalaka, mudi bisote bitangalaka dituku dimue. Nukudimune mioyi yenu, tshiji tshia Maweja-Nangila tshikuata kapia katshiyi tshianji kufika kunudi, dituku didiye ulumbuluisha bantu kadiyi dianji kusemena pabuipi.

Zekâya 1:6

Kadi meyi anyi ne mikenji yanyi bimvua mumanyishe bambi, bena mudimu banyi, bivua bituishe bankambua benu kunyima kua matuku. Bobu kukudimuna nsombelu wabu, kuitaba ne: Maweja-Nangila mmutunyoke, muvuaye muambe. Mmutunyoke kabidi pa bualu, bua malu etu mabi.

Luke 21:22

Bualu matuku awu neikale matuku adibu bakosa nsambu ya bantu, bua kukumbaja bionsu bidibu bafunde mu Mikanda ya tshijila.