Muadi 3:40 - MUKANDA WA MYIDI MUKULU

⁴⁰ Tudikonkayi menemene bua nsombelu wetu, tupinganayi kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Tukebulule mu mitshima yetu, tumanye nshila itudi tuendela, tuhingane kudi Yehowa kabidi.

Muadi 3:40 ပူးပေါင်းရင်းမြစ်များ

2 Kulondolola 30:6

Bantu bava Izkiya mutume abu, kuendakanabu mu buloba bua bena Izrayele ne bua bena Yuda. Mikanda ivuabu nayi ayi, bavua bayitua tshiala kudi mukalenga Izkiya ne bakulu ba mu ditunga diende. Bilondeshile bulongolodi bua mukalenga Izkiya, bantu abu bavua bamba ne: — Nuenu bena Izrayele bavua bapanduke ku mvita ya bena Ashure, pinganayi kudi Maweja-Nangila Mvidi Mukulu wa Abrahame, wa Izake ne wa Yakobe. Diba adi, Yeye neapingane kunudi.

2 Kulondolola 30:9

Nuenu bapingane kudi Maweja-Nangila, bantu bonsu bavua bakuate bana benu, ne bena meku enu, nebabafuile luse. Nebabalekele bua bapingane mu ditunga edi. Nanku, nuenu bapingane kudiye, Maweja-Nangila Mvidi Mukulu kakunulekela to, bualu udi muena luse ne dinanga.

Misambu 119:59

Ndi ndiela meji a malu amvua muenze, ndi mpingana ku mikenji yebe.

Misambu 4:4

Numanye ne: Maweja-Nangila mmusungule muntu udi umulamata. Pandi mmubikila, udi unteleja.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yezekiyele 18:28

Neashale ne muoyi, bualu mmumone nuwuaye wenza bibi, mudilengeje. Nanku kakufua to.

Osheya 12:6

Yeye ke Mvidi Mukulu wa bukole buonsu, udibu binyika ne: “Maweja-Nangila”.

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

1 Korente 11:28

Nanku muntu yonsu adikonkonone, pashishe adie diampa, anuine mu dikopu edi.

1 Korente 11:31

Bu tuetu mua kudikonkonona kumpala, Mvidi Mukulu kavua mua kutunyoka nanku.

2 Korente 13:5

Dikonkayi! Nutshidi bena ditaba anyi? Ditetayi! Kristu utshidi munkatshi muenu anyi? Panudi kanuyi bamone nanku, nukadi bamuvile.

Dielulula 4:30

Pikala malu onsu andi mmuambile manuenzekele, nuenu babuele mu dikenga, nenupingane kudi Maweja-Nangila Mvidi Mukulu wenu, bua kumutumikila.