Muadi 3:32 - MUKANDA WA MYIDI MUKULU

³² Nansha yeye ukengesha muntu, udi umufuila luse, bualu buimpe buende mbupite bunene.

Mukanda wa Nzambi Dihungila Dikulukulu ne Dihungila Dihia-dihia 2003

³² Kadi hamukengesheye, neamufuile luse bu mudi divulangana dia dinanga diandi.

Muadi 3:32 ပူးပေါင်းရင်းမြစ်များ

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

Misambu 103:11

Bu mudi diulu dilunguluka pa mutu pa buloba, ke mudi malu ende mimpe, amueneka kudi bantu badi bamunemeka.

Misambu 30:5

Nuenu bantu ba Maweja-Nangila, mutumbishayi ne misambu, numusamune, mwuluke mudiye wa tshijila.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Yeshaya 27:8

Bushuwa, mmubafundile tshibawu, tshia kuya mu tshimuangi, mu ditunga dia bende. Uvua mubumushe mu buloba buabu dituku dimue, ne lupepele lukole, luvua lufuma luseke ludi diba dipatukila.

Yeshaya 54:7

Mvua mukutokele bushuwa, kadi amu bua katupa kipi. Kadi bu mundi nkunanga bikole, ndi nkuangata tshiakabidi.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Muadi 3:22

Ke buimpe bua Maweja-Nangila budi kabuyi bujika, dinanga diende didi kadiyi ndekelu.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Nahume 1:12

Maweja-Nangila udi wambila bena Yuda ne: “Baluishi benu, nansha bikale ba bungi, bikale bilobu, nebabutuke, kakuyi kushala muntu. Mvua munukengeshe bikole, kadi tshiakunukengesha kabidi.

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.