Muadi 3:25 - MUKANDA WA MYIDI MUKULU

²⁵ Maweja-Nangila udi muimpe, usankisha muntu yonsu udi umueyemina, uvuluka yonsu udi umukeba.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yehowa udi ne luse kudi badi bamuindila, kudi muetu udi umukeba.

Muadi 3:25 ပူးပေါင်းရင်းမြစ်များ

Genese 49:18

Maweja-Nangila, ndi mutekemene lupandu kuudi.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

2 Kulondolola 19:3

Bushuwa malu makuabu auvua muenze adi mempe. Mu ditunga diebe uvua muoshe makunji a kutendelela nawu mvidie mukaji Ashera. Uvua muitabe, mutumikile kabidi Maweja-Nangila ne muoyi webe mujima.

2 Kulondolola 30:19

“Maweja-Nangila, Mvidi Mukulu wa bankambua betu, ufuile bantu aba luse, nansha bobu kabayi banji kumusha mikiya, kabayi lelu bantu ba tshijila. Kadi badi amu baditatshisha ne muoyi wabu mujima bua kumanya tshiudi musue.”

2 Kulondolola 31:21

Pavua Izkiya ulongolola nzubu wa Mvidi Mukulu, ukuata mudimu bua bantu banemeke meyi ne mikenji bia Mvidi Mukulu, uvua wenza muende muonsu bua amanye tshidi Mvidi Mukulu musue. Uvua muenze nanku ne muoyi wende mujima. Mvidi Mukulu uvua umuambuluisha.

Ezela 8:22

Tshivua musue kulomba mukalenga munene, bua atupeshe bena mvita ne babandi ba pa nyama ya tubalu, bua batalame mu njila, bua baluishi betu kabatatatshishi. Bualu tavua bamujadikile ne: Mvidi Mukulu udi ulama bonsu badi bamuitaba. Kadi bonsu badi bamubenga, udi ubafikila munda bikole.

Misambu 105:3

Nutue ntunku bua Mvidi Mukulu wa tshijila, nuenu badi bakeba Maweja-Nangila, nusanke.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 22:26

Maweja-Nangila, ke pandi nkutumbisha mu tshisangilu tshinene, nkulambula milambu imvua mukulaye, bantu bebe batangile!

Misambu 25:8

Maweja-Nangila mmuena bulenga ne buakane, udi uleja bena tshibawu njila wa kulonda.

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 27:8

Ndi mvuluka miaku yebe ya ne: “Pingana kundi.” Ke pandi mpingana kuudi wewe, Maweja-Nangila.

Misambu 37:34

Tekemena kudi Maweja-Nangila, ulame lutulu, ukumbaje mikenji yende. Neakuzangike, upete ditunga. Neumone mudiye ubutula bantu babi.

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Misambu 39:7

Muntu udi utua eku, utua kuaka: bidi amu bu tshilota. Udi uditatshisha, kayi upeta tshintu. Kadi nansha yeye mupete biuma, kena mumanye wabiangata.

Misambu 61:1

Musambu wa mu mukanda wa mulombodi wa bena misambu. Wa kuimba ne bisanji bia nshinga. Musambu wa mu mukanda wa misambu ya Davide.

Misambu 61:5

Anyisha, ngase mu nzubu muebe kashidi, nsokome mu mapuapua ebe.

Misambu 69:32

Maweja-Nangila, ke bidi bikuenza disanka, mbipite ngombe milume ne mikaji indi nkulambula.

Misambu 71:14

Kadi meme matuku onsu ndi nkutekemena amu wewe. Nenkutumbishe misangu ne misangu.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 26:9

Meme kabidi bufuku, ndi nkujinga. Ndi nkukeba ne muoyi wanyi mujima. Pawikala ulumbuluisha, unyoka bantu badi basomba pa buloba, nebamanye mua kusomba bimpe.

Yeshaya 30:18

Kadi Maweja-Nangila udi windila, utekemena matuku onsu, diba didiye mua kunufuila luse. Udi ukeba mudiye mua kunuambuluisha. Bualu Maweja-Nangila udi Mvidi Mukulu, udi wenza bionsu amu bimpe. Bonsu badi batekemena kudi Mvidi Mukulu, mbena diakalenga.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

Yeshaya 64:4

Wewe udi wakidila bantu badi benza muudi wewe musue, badi bitaba ku diyi diebe ne disanka, badi bakeba kulonda njila iudi mubaleje. Uvua mufika munda, bualu tuvua bakutombokele. Kadi netupande, patuikala tulonda njila webe utuvua balonde kale.

Muadi 3:26

Bidi bimpe kuindila ne lutulu lupandu ludi Maweja-Nangila ukutumina.

Osheya 10:12

Nuenu benza malu mimpe, nebanuenzelewu. Nudime budimi bupiabupia. Tshikondu tshiakumbanyi tshia nuenu kupingana kundi meme Maweja-Nangila, too nepangafika bua kunusungidila.

Sefanya 3:8

Maweja-Nangila udi wamba ne: “Nuindile dituku dindi mfika bua kunupisha, kununyoka. Ndi mujadike ne: nensangishe bisamba ne makalenga, bua kubiosha ne kapia ka tshiji tshianyi. Buloba bujima nebupie, ku kapia ka tshiji tshianyi.”

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.