Muadi 3:11 - MUKANDA WA MYIDI MUKULU

¹¹ Kumpangishaye tshimvua mua kuenza bua kuikala ne muoyi. Kuntekeshaye, kumpuwisha kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yeye wakunsesuisha mu nshila wanyi, wakumpanda bihese bihese; wakunshiya nkenga.

Muadi 3:11 ပူးပေါင်းရင်းမြစ်များ

Yobe 16:7

Eyi, bulelela, Mvidi Mukulu mmumbutule, mmushipeshe bana banyi bonsu.

Misambu 143:4

Mu maboku mmutekete, tshiena ne bukole kabidi bua kuenza bualu.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yirmeya 15:3

Maweja-Nangila udi wamba ne: nembakengeshe mishindu inayi: muele wa mvita neubashipe, mbua neyikoke bitalu iye nabi kule, nyunyi ya mikanku neizokole bitalu, nyama ya mibuabua neidie bionsu bidi bishale.

Yirmeya 19:8

Tshimenga etshi netshi kemeshe bantu bonsu. Bapitshi ba mu njila nebazakale. Nebele mbila ya bowa, patangilabu muvuabu banyange tshimenga etshi.

Yirmeya 32:43

Wewe ne bantu bakuabu nudi nuamba ne: ditunga edi bena Babilone nebadikuate, dishale tshipela, kamuyi bantu nansha nyama. Kadi mu ditunga edi ke muatuadijabu kabidi kusumba madimi.

Yirmeya 5:6

Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Yirmeya 6:8

“Wewe Yerushalayime, udimuke. Kuyi mudimuke, meme nenkubenge. Muebe nemushale anu tshipela, muaba udi bantu kabayi basa.”

Muadi 1:13

Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Muadi 3:10

Uvua mungalamine bu nyama wa lonji, mudi nyama wa ntambue mubutame mu tshisuku.

Danyele 7:23

“Yeye kungumvuija kabidi nenku: ‘Nyama muinayi udi bukalenga buinayi bua pa buloba, bushilangane ne makalenga makuabu onsu. Bukalenga ebu nebubutule buloba bujima. Nebubudiatakaje mu makasa, bubusunsula.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Mika 5:8

“Eyowa, luisha baluishi bebe, ubashipe, ubasunsule!

Matayi 23:38

Nanku, nzubu wa Mvidi Mukulu wenu awu neashale munda mutupu!

Didimanyisha 18:19

Bavua badiela buloba mu mitu, badila, bela miyenga, bamba ne: “Diakabi kaayi! Dikenga kaayi bunene nanku didi dikuata tshimenga! Bonsu badi ne ntatu enda pa mayi manene, mbaneme ne bubanji bua tshimenga etshi. Kadi kujimijatshi bionsu amu diba dimue!”