Muadi 2:9 - MUKANDA WA MYIDI MUKULU

⁹ Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bibi biandi biakubuela mu buloba; yeye wakutshibula biamu biabi bituha bituha; mukelenge wandi ne miloho yandi badi bamuangalaka munkatshi mua bisamba bia bantu, mudi kamuyi mikenji; nansha baprofete kabatshiena bamona bikena kumona bifume kudi Yehowa.

Muadi 2:9 ပူးပေါင်းရင်းမြစ်များ

2 Bakalenga 25:7

Kushipabu bana ba Sedekiya ba balume, tatuabu mutangile. Pashishe, Nebukadnesare kutonkona mesu a Sedekiya onsu abidi. Kumutumaye ku Babilone musuike mionji bikole.

2 Kulondolola 15:3

Bena Izrayele bavua basomba matuku a bungi kabayi ne Mvidi Mukulu mulelela, kabayi ne mutuangaji bua kubalongesha, kabayi ne mikenji.

Nehemya 1:3

Kungambilabu ne: — Bantu bavua mu bupika. mbasombe mu ditunga dia bena Yuda. Kadi badi mu dikenga dinene. Kabidi bantu badi babapeja bikole. Bimana bia tshimenga tshia Yerushalayime mbiupuke miaba mivule. Biibi biatshi mbiosha ne kapia.

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Yeshaya 24:12

Mu tshimenga mudi mushale amu nzubu minyanguke. Tshiibi tshia tshimenga ntshitshibulukangane tshionsu.

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

Yirmeya 23:16

Maweja-Nangila wa bukole buonsu udi wamba ne: “Kanuteleji tshidi bambi banuambila. Badi banuambila malu a dishima. Malu adibu banuambila adi mafuma mu ngenyi yabu nkayabu. Meme tshivua mubaleje bualu nansha bumue.

Yirmeya 39:2

Mu tshidimu tshia dikumi ne tshimue, dituku dia tshitema dia ngondu muinayi, bena Babilone bavua bapande disosu ku tshimana tshia tshimenga.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 51:30

Bilobu bia mvita bia mu Babilone bikadi bilekela kuluangana mvita. Bikadi bisokoma mu nzubu yabi. Kabitshiena ne bukitu, bikadi bu bakaji. Baluishi mbamane kuupula biibi bia tshimenga, mbamane kuela kapia ku nzubu yatshi.

Yirmeya 52:14

Bena mvita ba bena Babilone bavuaye nabu kushimbula bimana bivua binyungulule Yerushalayime.

Muadi 1:3

Tshisamba tshia Yuda tshidi mu dikenga. Mbaye natshi mu ditunga dia bende. Tshidi tshikuata mpindiewu midimu ya bupika. Tshidi munkatshi mua bantu ba bisamba bikuabu, tshipanga muaba wa kusomba. Bantu bavua batshipata, batshifimpakaja, mbatshikuate.

Muadi 4:15

Muaba onsu udibu bafika badi babela bibingu ne: “Umukayi, nuenu nudi bapie mikiya! Kanusemenyi pabuipi netu to.” Padibu banyema kabena bamanye kudibu baya nansha. Bena bisamba bikuabu badi bababenga, bamba ne: “To, kabasombi muetu munu kabidi nansha!”

Muadi 4:20

Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Yezekiyele 12:13

Kadi meme Maweja-Nangila ndi mmuteya bua bamukuate. Nemmutume mu ditunga dia bena Babilone, didiye kayi mua kumona. Kadi neafuilemu.

Yezekiyele 17:20

Nemmuteye buteyi, mmukuate. Nemmufile mu Babilone bua mmunyokelemu, bualu uvua muntombokele, meme Maweja-Nangila.

Yezekiyele 7:26

Nenukenge anu kukenga. Nebanumanyishe anu ngumu mibi. Nebasengelele muambi bua abaleje malu atshidi kumpala, kadi kakubalejawu to. Mutuangaji kakuikala ne bualu budiye mua kulongesha. Bakulu kabakusa kabidi ngenyi.

Osheya 11:6

Ke mudi bena myita babuela mu bimenga bia bena Izrayele, babinyangakaja, banyangakaja kabidi bintu bionsu. Ke difutu didi bena Izrayele bapete, bua meji abu mabi.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Amosa 1:5

Nentshibule mabaya adibu bapayika nawu biibi bia mu tshimenga tshia Damase. Nenshipeshe bantu badi basombamu, kabidi ne mukalenga wa tshimenga tshia buenzayi atshi, mulombodi wa musoku wa masanka mabi awu. Bena Arame badi basomba mu ditunga, nebaye nabu mu bupika ku Kire. Meme Maweja-Nangila, ndi njadika nanku.”

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.