Muadi 2:8 - MUKANDA WA MYIDI MUKULU

⁸ Maweja-Nangila uvua mushindike bua kubutula bimana bia Yerushalayime. Kubiupulaye bionsu, kulandakaja. Tshibumba ne bimana kuela muadi, bionsu kupuka musangu umue.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wakahangidisha bualu bua kubutula lumbu lua muana mukashi wa Siona; wakaluidikisha ne muonshi; kakukanda tshianza tshiandi bua katshilûhuidi; wakashisha tshibumba tshikole ne lumbu muadi, bidi biteketa diatshimue.

Muadi 2:8 ပူးပေါင်းရင်းမြစ်များ

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

2 Bakalenga 21:13

Nembutule Yerushalayime, bu mumvua mubutule Samariya ne bena diku dia Akabe. Meme nenshiye Yerushalayime munda mutupu, anu bu mudibu basukula dilonga, pashishe, badibuikija.

Yobe 13:21

Anji kumusha tshianza tshiebe pambidi panyi, pashishe, lekela kunkuatshisha bowa.

Yeshaya 22:5

Bualu lelu, Maweja-Nangila, Mvidi Mukulu muena bukole buonsu, mmututshiompakaje.” Mbalutshimune, tuetu kutangalaka mu tshibandabanda, muaba udi Mvidi Mukulu uleja malu, kudila muadi mukole.

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 34:11

Tshikololu ne nkese nebisombemu. Tshipungulu ne kanyunyu kadi kafuana tshikololu, nebienzemu masua abi. Maweja-Nangila neapime ditunga, bua kudibutula dijima, bua dishale tshipela, kamuyi bantu.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yirmeya 14:2

Bena Yuda bonsu badi babungama, bimenga biabu bidi binyanguke. Badi mu bimenga badi basomba panshi kabayi ne disanka. Yerushalayime udi udila muadi, ulomba bua bamuambuluishe.

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Muadi 2:18

Yerushalayime, ela mbila yebe kudi Maweja-Nangila, tuaku mikemu bikole. Puekesha binsonji munya ne butuku, bungi bu mayi a musulu. Kulekedi, kukoshi muadi nansha!

Muadi 2:2

Maweja-Nangila kubutula buloba bua bantu bende, kayi luse. Bua tshiji tshiende, kushimbulaye bimenga bia Yuda, bivuabu bakoleshe ne bimana. Kunyangaye bukalenga, kufuishaye balombodi babu bundu.

Muadi 2:5

Maweja-Nangila mmudienze muluishi wetu. Kupulaye nzubu mimpe yonsu ya mu Izrayele. Kushimbulaye bimenga bivuabu bakoleshe ne bimana. Kutampakajaye dibungama ne mikemu miaba yonsu mu tshisamba tshia bena Yuda.

Yezekiyele 20:22

Kadi tshiena muenze nanku, bua bantu bavua bammone mpatula bena Izrayele mu Ejipitu, kabavu kumpepeja.