Muadi 2:7 - MUKANDA WA MYIDI MUKULU

⁷ Maweja-Nangila mmubenge tshilambuilu tshiende; mmulekele muaba wende wa tshijila; mmufile nzubu mimpe ya Siyone mu bianza bia baluishi. Bobu kuenza mutoyi mu nzubu wa Mvidi Mukulu, mutoyi mukole bu dituku dia bisangilu binene.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukelenge wakuhidia tshioshelu tshiandi, wakulengulula nsubu wandi wa tshijila; wakufila bimanu bia nsubu yandi ya bakelenge mu bianza bia bena lukuna. Bobo bakubisha diyoyo mu nsubu wa Yehowa bu diyoyo dia dituku dia bidia bia disanka.

Muadi 2:7 ပူးပေါင်းရင်းမြစ်များ

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

2 Kulondolola 36:19

Bena Babilone kuosha nzubuvua Mvidi Mukulu. Kupulabu tshimana tshia Yerushalayime. Kuoshabu nzubu ya bukalenga. Kunyangabu bintu bionsu bia mushinga mukole biamu tshimenga.

Misambu 89:39

Kadi wewe udi mubenge mukalenga uuvua mujidile, udi mumulekele, udi mumufikile munda.

Yeshaya 64:9

Bimenga biebe bia tshijila mbishale dikolu. Yerushalayime mmushale tshipela, ne Siyone mmubutuke.

Yirmeya 21:4

Maweja-Nangila Mvidi Mukulu wa bena Izrayele udi wamba ne: “Nudi nuluisha tshiluilu tshia mukalenga wa bena Babilone tshidi tshinunyunguluila. Kadi meme nengambuluishe baluishi benu, bua bena mvita benu badi baluangana kumpala kua bimana bia tshimenga banyeme, bapingane munda mua tshimenga.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 4:26

Ndi mumone ditunga divua ne mitshi ya bimuma, dishale tshipela. Bimenga bionsu bia mu ditunga mbinyanguke. Maweja-Nangila ke udi muenze bionsu abi, bua tshiji tshikole tshivuaye natshi.

Yirmeya 4:27

Maweja-Nangila udi wamba ne: “Ditunga dijima nedishale amu tshipela tshidi tshikuatshisha bantu bowa. Kadi, tshiena musue kubutula bintu bionsu to.

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 1:4

Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Muadi 2:1

Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Muadi 2:5

Maweja-Nangila mmudienze muluishi wetu. Kupulaye nzubu mimpe yonsu ya mu Izrayele. Kushimbulaye bimenga bivuabu bakoleshe ne bimana. Kutampakajaye dibungama ne mikemu miaba yonsu mu tshisamba tshia bena Yuda.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Yezekiyele 7:24

Nembikidishe bantu ba tshikisu, bua babuele mu nzubu yabu mimpe, basombemu. Nansha bilobu mene nebitekete mu maboku, padi baluishi banyanga miaba yabu idibu batendelela.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:44

Kadi matuku adibu mu tshimuangi awu, tshiena mbalekela amu kashidi to, tshiena mbabutula. Kabidi, tshiena nnyangakaja ndondu wanyi to, bualu meme ndi Maweja-Nangila, Mvidi MuKulu wabu.

Amosa 2:5

Nengoshe ditunga dia bena Yuda. Kapia nekashidishe nzubu milenga idi mu Yerushalayime.”

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Matayi 24:2

Kadi Yezu kubandamuna ne: — Nudi nukema bionsu ebi! Kadi ndi nnujadikila bulelela ne: ku nzubu ewu kakuakushala dibue diambata pa dikuabu to. Bionsu nebiupuke!