Muadi 2:6 - MUKANDA WA MYIDI MUKULU

⁶ Kutulaye lupangu lua nzubu wende, kunyangaye muaba uvuaye usambakena netu. Maweja-Nangila kupesha bena Siyone tshipua muoyi tshia matuku a disanka ne tshia dituku dia Dikisha. Kulejaye tshiji tshiende: kupetulaye bakalenga, ne batuangaji kabidi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.

Muadi 2:6 ပူးပေါင်းရင်းမြစ်များ

Misambu 74:7

Bavua bosha nzubu webe wa tshijila, bamupula panshi, bamupisha mikiya.

Misambu 76:2

Mvidi Mukulu mmudimanyishe mu Yuda. Dina diende nditumbe mu Izrayele.

Misambu 80:12

Kulepeshawu matamba awu too ne ku mayi manene, ntonga yawu kufika too ne ku musulu wa mayi a Perate.

Misambu 89:40

Udi mupule ndondu uuvua mutue ne muena mudimu webe, udi munyange tshifulu tshiende tshia bumfumu, mutshiela panshi.

Yeshaya 1:13

Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Yeshaya 1:8

Yerushalayime nkayende ke udi mushale, kadi mmushale amu bu kazubu kakese mu budimi bua njilu, bu kazubu ka tshisasa mu budimi bua mvinyo, bu tshimenga tshiela munkatshi kudi baluishi batshi.

Yeshaya 43:28

Nenku, ndi mudiombole batuangaji badi bakuata mudimu mu nzubu wanyi. Mvua mubutule tshisamba tshia Yakobe. Ndi muanyishe, bua bena lukuna abu bapende bena Izrayele.

Yeshaya 5:5

Kadi mpindiewu, ndi nnuambila tshindi musue kuenzela budimi buanyi. Nentule lupangu lua meba lumvua muaseku, nyama neidiemu. Nengupule tshimana tshia lupangu. Bantu badi bapita ne njila nebabudiatakaje.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yeshaya 63:18

Tuetu bantu bebe ba tshijila, tuvua ne bumfumu mu dietu ditunga amu bidimu bikese. Baluishi betu kufika, kunyanga nzubu webe wa tshijila.

Yeshaya 64:11

Maweja-Nangila udi mua kushala upuwa amu nanku, paudi umona dikolu edi, anyi? Udi mua kushala mupuwilamu, utushiya mu dikenga didi ditupita anyi?

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 45:4

Nanku Maweja-Nangila mmungambile bua kukumanyisha ne: “Ndi nshimbula tshimvua muibake, ndi njuula tshimvua mukune. Ndi mbondakaja ditunga dijima.

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Muadi 1:4

Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Muadi 4:16

Maweja-Nangila nkayende ke uvua mubamuangalaje. Kena musue kubamona kabidi. Kabavua banemeka batuangaji, nansha bantu bakulakaje.

Muadi 4:20

Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Muadi 5:12

Bavua bakuate balombodi ba mu bukalenga babowe. Badi babenga kunemeka bakulu ba ditunga.

Yezekiyele 17:18

Bu mudi mukalenga ewu munyange ndondu uvuabu batue, uvua ubenga kunemeka bivuaye mulaye. Bu mudiye muenze nanku, yeye mumane kuditshipa, kena mua kupanda to!”

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Sefanya 3:18

Maweja-Nangila udi wamba ne: “Nenjikije dikenga dienu, nennumushe bundu.

Malaki 2:9

Nanku, meme nensake bena Izrayele bonsu bua banupepeje, banufuishe bundu, bualu kanuena nuenza mundi musue. Nudi nuenzela bantu malu ne kansungansunga.”