Muadi 2:20 - MUKANDA WA MYIDI MUKULU

²⁰ Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa, utangile uwakuenzela mudiye! Bakashi nebadie bana bakalelabo, badibo bakuongoluela mu maboko, anyi? Muakuidi ne muprofete nebashihibue mu tshitendelelu tshia Mukelenge, anyi?

Muadi 2:20 ပူးပေါင်းရင်းမြစ်များ

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

Misambu 78:64

Batuangaji kufua ku muele wa mvita, kakuvua kushala nansha bakaji bakamba bua kudila.

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Yeshaya 22:2

Mitoyi bungi nanku mu tshimenga, mbila mikole nya tshinyi? Bantu mbasanke anyi? Bafue ba muebe ki mbafuile mu mvita anyi? Kabavua babashipe anyi?

Yirmeya 19:9

Baluishi, bantu badi kabayi ne luse, nebakuate tshimenga. Nebakengeshe bantu bikole bipite. Nanku benatshi nebadie minyinyi ya bana bavuabu balele. Nebadiangane bobu nkayabu!”

Yirmeya 21:7

Pashishe, Sedekiya, mukalenga wa bena Yuda, balombodi ba bukalenga buende, ne bantu ba mu tshimenga etshi, badi bapanduke ku disama dia tshiambu, ku mvita, ne ku tshiyole tshia nzala, mukalenga wa bena Babilone neabakuate. Eyowa, nembafile kudi baluishi babu badi bajinga kubashipa. Mukalenga Nebukadnesare neabashipe kayi luse. Kakushiya muntu nansha umue ne muoyi.”

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Muadi 1:19

Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Muadi 4:10

Bua tshipupu tshivua tshikuate bena tshisamba tshianyi, bamamu bavua bananga bana babu, bakadi badilambilabu bua kubadia.

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Muadi 4:16

Maweja-Nangila nkayende ke uvua mubamuangalaje. Kena musue kubamona kabidi. Kabavua banemeka batuangaji, nansha bantu bakulakaje.

Yezekiyele 5:10

Mu tshimenga, baledi nebadie bana babu, bana nebadie baledi babu. Nennunyoke. Badi bashale ne muoyi nembatangalaje bonsu ku nseke yonsu inayi.

Yezekiyele 9:7

Nanku, Maweja-Nangila kubambila ne: — Nunyange nzubu wa Mvidi Mukulu ne mikiya. Nuwuje lubanza lua nzubu awu ne bitalu tente. Pashishe, nutungunuke nuye muaba mukuabu. Nanku, kuyabu benda bashipa bantu mu tshimenga.

Lewitiki 26:29

Nenudie munyinyi wa bana benu banudi balela.

Dielulula 9:26

Meme kulomba Maweja-Nangila ne: “Mvidi Mukulu Maweja-Nangila, kubutudi bantu badi bebe, baudi mupikule, mupatule mu Ejipitu ku bukole ne ku bumfumu buebe.