Muadi 2:16 - MUKANDA WA MYIDI MUKULU

¹⁶ Bonsu badi bakukina, badi babulula mukana bua kukukeba matandu. Badi bakuela bibingu, badia dinu, bamba ne: “Tudi bamumine. Dituku dituvua bindile, ndiodi edi! Tudi bafikemu, tudi badimone!”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bena lukuna bebe bonso bakubutula mukana muabo bua kukuhenda; badi bakubingila basumakana menu, bamba ne, Tuakumumina; bulelela, edi ndituku dituakutekemena; tuakudiheta, tuakudimona ne mesu.

Muadi 2:16 ပူးပေါင်းရင်းမြစ်များ

Misambu 109:2

bualu bantu babi, bena dishima, badi bansonguela, badi banjana.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Misambu 124:3

pavuabu batufikila munda, bavua mua kutumina ne muoyi.

Misambu 22:13

Baluishi bavule mbanjingile, bangela munkatshi, bu ngombe milume ya lonji ya mu mpata ya Bashane!

Misambu 35:16

Padibu bammona ntetuka, badi banseka, bansumakajila menu.

Misambu 35:21

Badi babulula mukana, banjana ne: “Eyowa, tudi bakumone, tudi bakukuate!”

Misambu 35:25

Baluishi banyi kabangambi ne: “Eyowa, tudi bamukuate! Ke tshitudi bajinge!”

Misambu 37:12

Muntu mubi udi ukina muntu muakane, usumakaja dinu bua kumuenzela bibi.

Misambu 41:8

Badi bankina, badi badikungija, bantela, banungana, banjingila lufu, bamba ne:

Misambu 56:2

Mvidi Mukulu wanyi, umfuile luse, bualu bantu badi bandondakaja. Dituku dionsu badi banduisha, bankengesha.

Misambu 57:3

Ndi mbikila Mvidi Mukulu, Muena kulu, bualu yeye udi mua kungenzela bionsu.

Yeshaya 49:19

Bushuwa bavua banyanga ditunga diebe, badishiya kamuyi bantu. Kadi mpindiewu kadiakuikala bunene bukumbana, bua bungi bua bantu badi bavua kusombamu. Diba adi bavua bakubutula, nebende basemena kule.

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yirmeya 29:18

Nembalondakaje ne mvita, ne tshiyole tshia nzala, kabidi ne disama dia tshiambu. Nanku bena mu makalenga onsu a pa buloba nebakuatshike bonsu bowa. Nebabatangile bu bantu badibu bela mulawu. Bantu nebabaseke, bikale batela dina diabu bua kuditshipa nadi.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yirmeya 50:7

Muntu yonsu uvua ubapeta, uvua anu ubaluisha. Baluishi babu bavua bamba ne: “Tuetu katuena tuenza bualu bubi nansha. Bantu aba badi bena tshibawu, batombokela Maweja-Nangila uvua ubapesha bionsu bivuabu nabi dikenga. Bankambua babu bavua bamutekemena amu yeye.”

Yirmeya 51:34

“Nebukadnesare, mukalenga wa Babilone, mmundie, mmunsunsule, mmushiye bu dilongu didi munda mutupu. Mmumine bu mudi nyama wa tshidika wenza. Udi muwuje difu tente ne bintu bilenga bionsu bimvua nabi. Pashishe yeye kungimansha.

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Muadi 3:46

Baluishi betu bonsu badi babulula mbanga, bua kutukeba matandu.

Yezekiyele 23:32

Meme Maweja-Nangila Mvidi Mukulu ndi nkuambila ne: Neunue dikopu dia tshiji divua yayebe munue, dikopu dinene, diondoke. Nebakuseke bakulembakaje, bualu dikopu edi didi diuwule tente!

Yezekiyele 25:15

“Meme Maweja-Nangila Mvidi Mukulu ndi ngamba ne: Bena Peleshete bavua benze bibi. Bualu bua lukuna lua kale luvuabu nalu, bavua basombuele baluishi babu ba kuonsu eku ne muoyi wa tshinyangu, babashipa.

Yezekiyele 25:3

Ubambile bua bateleje tshindi meme Maweja-Nangila mbambila ne: “Nuvua nuseka pavuabu banyanga muaba wanyi wa tshijila, pavuabu babutula ditunga dia bena Izrayele, pavuabu baya ne bena Yuda mu bupika.

Yezekiyele 25:6

“Meme Maweja-Nangila Mvidi Mukulu ndi ngamba ne: nuvua batuta bikashi, batupika basanka, pavua dikenga dikuata bena Izrayele. Nuenu kuleja munuvua bapeje, balekele bantu banyi lukinu.

Yezekiyele 36:3

Ke pandi nkulomba, wewe Yezekiyele, bua umanyishe bena Izrayele bindi nkuambila. Ndi musue kubambila ne: “Ndi mumone ne: nseke yonsu badi baluisha mikuna ya Izrayele, bakeba kuyikuata. Ikadi mu bianza bia bantu ba bisamba bia bantu benyi, badi bayipenda, bayiseka.”

Yezekiyele 5:15

Nennyoke tshimenga tshia Yerushalayime ne tshiji tshikole. Nentshikengeshe, ntshitandishe bikole! Nanku bantu badi ku nseke, nebaseke tshimenga etshi, batshipenda. Padibu batshivuluka, nebakuatshike bowa. Nenuikale tshilejilu tshia kubabela natshi. Meme Maweja-Nangila, ndi nnujadikila bualu ebu.

Osheya 8:8

Bena Izrayele mbafuanangane anu ne bena bisamba bikuabu bia patupu. Munkatshi mua bisamba bikuabu badi bu luesu lubi ludi bonsu babenga.

Mika 4:11

Mpindiewu bisamba bia bungi, mbimane kudisangisha bua kunuluisha. Bidi biamba ne: “Tshimenga tshiabu tshinyanguke, tshifue bundu. Tubandilayi kabutu ka Yerushalayime!”

Bienzedi 7:54

Bena Tshipangu bumvua miaku yonsu eyi, kufikabu munda bikole, kudia dinu, pavuabu batangile Stefane.