Muadi 2:14 - MUKANDA WA MYIDI MUKULU

¹⁴ Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua bualu buebe baprofete bebe bakumona bikena kumona bidi bikudinga ne bia tshianana; kabakukusokoluela bubi buebe, bua kuandamuna buhika buebe bukudimuke diakalengele, kadi bua bualu buebe bakumona malu a kukudinga nʼau, ne malu adi akusesuisha mu nshila.

Muadi 2:14 ပူးပေါင်းရင်းမြစ်များ

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 20:6

Ne wewe kabidi Pashekure ne bonsu baudi nabu, nenuye mu bupika. Pawafika mu Babilone neufue. Nebakujikemu wewe ne balunda bebe bonsu bauvua wambila malu a dishima.”

Yirmeya 23:22

Bu bobu babuele mu tshipangu tshianyi, bavua mua kuambila bantu banyi malu onsu amvua muambe. Nanku bavua mua kuambuluisha bantu bua badilengeje.

Yirmeya 23:36

— Kadi kanuambi ne: Maweja-Nangila mmuteke bujitu pambidi petu. Muaku wa Maweja-Nangila udi wenza bujitu budi muntu ne bua kuambula anyi? Nansha kakese! Kadi padibu bamba nanku, badi banyanga muaku wa Maweja-Nangila Mvidi Mukulu wa bukole buonsu udi ne muoyi, Mvidi Mukulu wa Izrayele.

Yirmeya 28:15

Pashishe, Yirmeya kuambila muambi Ananiya ne: — Ananiya, teleja bimpe. Maweja-Nangila kena mukutume to. Wewe udi usaka bantu aba bua bitabe malu a dishima.

Yirmeya 29:21

“Maweja-Nangila wa bukole buonsu Mvidi Mukulu wa Izrayele, udi wamba malu adi atangila Akaba, muana wa Kolaya, ne Sedekiya, muana wa Masheya. Bonsu babidi badi bambi bena dishima. Nansha bobu bambila bantu ne: tudi tuakula mu dina dia Mvidi Mukulu, badi babadinga. Nembafile kudi Nebukadnesare, mukalenga wa mu Babilone. Neabashipe nuenu batangile.

Yirmeya 37:19

Bambi benu bavua banuambila ne: mukalenga wa mu Babilone kena ubuela mu ditunga edi bua kunuluisha, wewe ne bena ditunga edi, lelu badi penyi?

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 13:22

Panudi nushima bantu, nudi nutekesha bantu ba nsongu ku muoyi, bantu bamvua tshiyi musue kukengesha. Kadi, nudi nuambuluisha bantu babi bua batungunuke ne malu abu mabi, bafuane kujimija muoyi wabu.

Yezekiyele 22:25

Bu mudi nyama ya ntambue mikuate nyama ikungula, ke mudi balombodi benu bashipe bantu, bangata ne bintu bia bantu ba bende, bashipesha balume ba bungi, bua bakaji babu bashale bakamba.

Yezekiyele 22:28

Bambi benu badi babuikila bilema bienu abi, bu mudibu bela lupemba ku tshimana tshia nzubu. Badi bashima bantu, babambila malu amvua tshiyi mubaleje. Badi bambila bantu malu, babadinga ne: mmafume kudi Mvidi Mukulu. Kadi meme Maweja-Nangila tshivua mubambile bualu to.

Yezekiyele 23:36

Maweja-Nangila kungambila ne: — Yezekiyele, udilongolole bua kulumbuluisha Okola ne Okoliba. Ubafunde patoke ku tshilumbu bua malu mabi avuabu benze.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Sefanya 3:4

Bambi babu badi baditemba, banyanga mudimu wabu. Batuangaji babu kabena banemeka bintu bia tshijila; badi banaya ne mikenji ya Mvidi Mukulu.