Muadi 2:13 - MUKANDA WA MYIDI MUKULU

¹³ Yerushalayime, tshiena ne tshia kukuambila. Kakuena dikenga ditudi mua kufuanyikija ne diebe! Tshifuanyikiji tshikuabu kayi, tshindi mua kutela bua kukusamba, Siyone, nsongakaji musuibue? Dibutuka diebe ndinene bu mayi manene. Kakuena muntu udi mua kudijikija.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nenkuambile tshinyi, nenkuidikishe ne tshinyi, wewe muana mukashi wa Yelushalema? Nenkuelekeshe ne tshinyi, bua mmanye mua kukusamba, wewe muana mukashi wa Siona utshidi kamama? Bualu bua mputa webe udi munene muikale bu mai manene; washikisha disama diebe nganyi?

Muadi 2:13 ပူးပေါင်းရင်းမြစ်များ

2 Samuele 5:20

Nanku Davide kuya ku Bale-Perashime, kutshimuna bena Peleshete muaba awu, wamba ne: — Maweja-Nangila mmupandulule baluishi banyi kumpala kuanyi, anu bu mudi musulu upanda nkita. Ke padibu binyika muaba awu ne: Bale-Perashime, mmumue ne: “Mfumu udi upanda nkita.”

2 Bakalenga 19:21

Teleja malu andi mmubengela: Tshimenga tshia Siyone tshidi tshikudiwula, tshikuela bibingu. Tshimenga tshimpe tshia Yerushalayime tshidi tshikuseka, tshikupa mutu.

Misambu 60:2

Bavua bausake bua kuvuluija bantu muvua Davide muluishe bena Arame ba mu Mezopotamiya ne ba mu Soba. Pavua Yowabe mupingane pambelu, ufuma ku mvita ayi, kutshimunaye bena Edome binunu dikumi ne bibidi mu tshibandabanda tshia Luepu.

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Yirmeya 14:17

Wambile bantu abu ne: Ndi ndila, mpuekesha binsonji, tshiyi ndekela butuku ne munya. Bualu bantu banyi mbabutuke bibi, mbapete mputa mupite bunene.

Yirmeya 14:19

Maweja-Nangila udi mubenge bena Yuda anyi? Kuena mumanye kabidi bena Siyone anyi? Udi mututape mputa idi kayiyi yuma bua tshinyi? Tuvua batekemene ne: bionsu nebikumbane, kadi katuena bamone tshia nsongu nansha tshimue. Tuvua bindile tshikondu tshivua makenga etu ne bua kujika, kadi tudi tumona amu malu adi atukuatshisha bowa.

Yirmeya 8:22

Mu Ngilaade kamuena buanga, nansha munganga anyi? Mputa wa bantu banyi bena Izrayele, kena mua kuma bua tshinyi?

Yirmeya 9:18

Badi bumvua meyi a muadi atumine ku Siyone, amba ne: “Tudi tukenga, tudi babutuke bikole be! Tudi ne bundu, bualu tudi ne bua kumuka mu ditunga dietu, kabidi bantu mbupule nzubu yetu!”

Muadi 1:12

Nuenu bonsu badi bapitshila mu njila, luayi nutangile, nujadike ne: kakuena dikenga dikuabu bu dindi nadi edi, didi Mvidi Mukulu muntumine dituku divuaye mufike munda bikole!

Yezekiyele 32:31

“Bena mvita bonsu aba, mukalenga wa bena Ejipitu neabasangane mu kandondu ka bafue. Nansha bamushipa mu mvita ne bena mvita bende, neakoleshe muoyi padiye umona bena mvita bakuabu bonsu abu. Meme Maweja-Nangila ndi njadika nanku.

Danyele 9:12

Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.