Muadi 2:11 - MUKANDA WA MYIDI MUKULU

¹¹ Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

Muadi 2:11 ပူးပေါင်းရင်းမြစ်များ

Yobe 16:13

Mikete idi ipepuka ku nseke yanyi yonsu, udi ungasa mikete mu tonyi, kuyi ungumvuila luse, mayi a kanyonga adi atangalaka pa buloba.

Yobe 30:27

Ndi mpampakana amu kupampakana, katshia dikenga edi dinkuate.

Misambu 119:82

Mesu anyi adi bilejileji, bua pandi mpita kubalulula mukenji webe, ke pandi nkonka ne: “Neunsambe diba kaayi?”

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Misambu 31:9

Kuvua muanyishe bua baluishi bankuate. Wewe kunkopola, bua ngenze mundi musue.

Misambu 38:8

Munda munjukuke luya. Mubidi mmuntukakane onsu mujima.

Misambu 6:7

Mikemu yanyi mmimpungije. Butuku bujima ndi ndila amu kudila, mbolesha bulalu buanyi ne binsonji.

Misambu 69:3

Ndi mudine mu lunteka ludi kaluyi ne muaba wa kuimana. Ndi munkatshi mua dilembua, mayi ampuekesha.

Yeshaya 22:4

Ke pandi nkuambila ne: “Kutangidi bualu buanyi to. Undekele, ndile bikole. Lekelayi kuditatshisha bua kunsamba, bua bana betu bonsu bavuabu bashipe.

Yeshaya 38:14

Ndi ngela mbila mikole, bu kandindi, ntua mikemu ne kanyinganyinga, bu kamanda-nkutshi. Mesu anyi adi atangila mulu, apungila. Maweja-Nangila, ungambuluishe! Ndi nkenga, mioyi mminshikile munda.

Yeshaya 51:20

Bana bebe badi basomba panshi mu masangu onsu a njila, kabayi banyunga, kabayi ne bukole. Bavua bu ngulungu ivuabu bakuate mu bukondu. Ke muvua Maweja-Nangila mubanyoke bikole, bua tshiji tshivuaye natshi.

Yirmeya 14:17

Wambile bantu abu ne: Ndi ndila, mpuekesha binsonji, tshiyi ndekela butuku ne munya. Bualu bantu banyi mbabutuke bibi, mbapete mputa mupite bunene.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yirmeya 44:7

Yirmeya kuamba ne: — Mpindiewu Maweja-Nangila wa bukole buonsu Mvidi Mukulu wa Izrayele udi unukonka ne: “Nuenu nudi basue kudienzela anu bibi bua tshinyi? Nudi basue kujimija tshisamba tshijima tshia bena Yuda, balume, bakaji, bansonga ne bana batekete mene, anyi? Nudi basue bua bena Yuda bonsu bafue anyi?

Yirmeya 8:19

Telejayi, bantu banyi bena Izrayele, badi badila muadi mu ditunga dionsu, bakeba udi mua kubambuluisha, bamba ne: “Maweja-Nangila kena kabidi mu Siyone anyi? Siyone kena kabidi ne mukalenga anyi?” Kadi bena Izrayele neatendelele mvidie ya bantu ba bisamba bikuabu, ya mitshi misonga, idi kayiyi mua kubambuluisha bua tshinyi? Bavua bamfikisha munda bua tshinyi?

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 1:20

Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.

Muadi 5:17

Muoyi wetu udi usama munda, mesu etu adi muwule ne binsonji,

Luke 23:29

Bualu matuku neafike, bantu nebambe ne: “Diakalenga ndia bankumba, ndia badi kabayi balela, kabayi banji kuamusha bana.”

1 Samuele 30:4

Davide ne bena mvita bende kudila bikole too, kupungila.