Muadi 1:9 - MUKANDA WA MYIDI MUKULU

⁹ Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bukoya buandi buakadi ku bilulu biandi; kakela meji a kunfudilu kuandi; nunku wakuhueka bikole, kena ne musambi. Wewe Yehowa, mona dikenga dianyi; bualu bua muena lukuna wakuntshimuna!

Muadi 1:9 ပူးပေါင်းရင်းမြစ်များ

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Bakalenga 14:26

Bualu Maweja-Nangila uvua mumone dikenga dikole divua nadi bena bukalenga ebu. Bualu kakuvua muntu nansha umue utshivua mua kuambuluisha bena Izrayele to.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Misambu 119:153

Mona dikenga dianyi, unsungidile, bualu tshiena mpua mikenji yebe muoyi.

Misambu 140:8

Maweja-Nangila Mvidi Mukulu, wewe ke bukole buanyi budi bundama, wewe ke udi ulama mutu wanyi diba dia mvita.

Misambu 25:18

Mona mundi nkenga, ntata bikole. Umfuile luse bua bilema bianyi bionsu.

Misambu 69:21

Bipendu mbinsunsule muoyi, nkadi mushikile. Mvua mukebe uvua mua kumfuila luse, kadi tshiena mumupete. Mvua muindile uvua mua kunsamba, tshiena mumumone.

Ekesode 3:17

Ndi musue kunusungidila mu dikenga edi, kunumusha mu ditunga edi, kunubueja mu ditunga dia bena Kenaane, bena Iti, bena Amore, bena Perizi, bena Ivi ne bena Yebusa, ditunga didi ne mabela ne buitshi bipite bungi.”

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

Yeshaya 37:17

Maweja-Nangila, telejaku mudi bantu ba mukalenga Senakeribe bakupenda, wewe Mvidi Mukulu wa muoyi! Tangila dikenga ditudi nadi!

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 37:29

Wewe udi umfunyina meme! Mvua mumvue pauvua umpenda ne dikamakama. Nenku nenkutekeshe, nkuele kakanu ku diulu, ne lukanu lua tshiamu mukana. Nenkupingaje kuebe, amu mu njila muuvua mufumine.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Yeshaya 51:19

Makenga avua makukuate, amu abidi abidi: kabutu ne tshinyangu, mvita ne tshiyole tshia nzala. Kadi wa kukudila nnganyi? Wa kukukolesha ku muoyi nnganyi?

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 16:7

Muntu nansha umue kakufila biakudia mu nzubu wa madilu, nansha maluvu, bua kusamba badi mu madilu, nansha bobu badila tatu anyi mamu.

Yirmeya 2:34

Badi basangana mashi a bakengi, badi kabayi ne bualu too ne ku nzemba ya bilamba bienu. Nuvua babashipe bua tshinyi? Kanuvua babajikidile batula biibi bia nzubu yenu bua kuiba to. Kadi nansha nuenu benze bionsu abi,

Yirmeya 48:26

Bena Mowabe mbatombokele Maweja-Nangila. Nembanuishe maluvu bua bakuatshike, baluke, badishinde mu bilushi, bantu bonsu kubaseka.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Muadi 1:17

Nansha Siyone muolole bianza, utendakena, kakuena muntu nansha umue udi mua kumusamba. Maweja-Nangila mmumane kutumina bena mutumba ne bena Izrayele diyi, bua bashale baluishi babu. Yerushalayime mmumane kubipa munkatshi muabu.

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Muadi 2:13

Yerushalayime, tshiena ne tshia kukuambila. Kakuena dikenga ditudi mua kufuanyikija ne diebe! Tshifuanyikiji tshikuabu kayi, tshindi mua kutela bua kukusamba, Siyone, nsongakaji musuibue? Dibutuka diebe ndinene bu mayi manene. Kakuena muntu udi mua kudijikija.

Muadi 4:1

Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?

Muadi 5:1

Maweja-Nangila, kupu muoyi malu adi matuenzekele. Tangila, umone mudibu batupenda.

Osheya 2:14

Nengupule mionji yende ya mvinyo, ne mitshi yende ya mfiku, ivuaye wamba ne: “Ke difutu didibu bangonda kudi babayanyi.” Nenshiye miaba yonsu ayi anu tshisuku. Nyama ya mu tshisuku neyipetele biakudia muaba awu.

Sefanya 2:10

Ke muakabanyokabu, bualu bavua baditambisha, bapenda bantu ba Maweja-Nangila wa bukole buonsu, bamba ne: netununyenge buloba bua kudiundisha buetu.

Yowanane 11:19

Bena Yuda ba bungi bavua balue kusamba Marte ne Mariya bua lufu lua muanabu.

Dielulula 26:7

Tuetu kudidila Maweja-Nangila Mvidi Mukulu wa bankambua betu bua atuambuluishe. Kumvuaye miadi yetu. Kumonaye bionsu bivuabu batuenzele, muvuabu batutatshisha, batutuuta, batukengesha.

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?

1 Samuele 1:11

Kumpu muoyi, umfuile luse! Umpesheku muana wa balume. Ndi nditshipa bua kumufila ku mudimu webe kashidi. Kabena mua kumubeya too ne kashidi.”