Muadi 1:4 - MUKANDA WA MYIDI MUKULU

⁴ Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nshila ya ku Siona idi idila muadi, bualu bua kakuena badi bendelamu bua kuya ku masanka a tshijila a Yehowa; bibuelelu biandi bidi bishala hatuhu; bakuidi bandi badi batua mikemu. Mishikankunde yandi yakukengeshibua, ne yeye muine wakushala mu kanyinganyinga.

Muadi 1:4 ပူးပေါင်းရင်းမြစ်များ

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yirmeya 10:22

Telejayi, umvuayi. Mutoyi munene udi wenda usemena pabuipi, ufuma ku mutu kua ditunga. Bena mvita mbanyange bimenga bia bena Yuda, bishale tshipela, bishale miaba idi nyama ya mibuabua isomba.

Yirmeya 14:2

Bena Yuda bonsu badi babungama, bimenga biabu bidi binyanguke. Badi mu bimenga badi basomba panshi kabayi ne disanka. Yerushalayime udi udila muadi, ulomba bua bamuambuluishe.

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Muadi 5:13

Bansongalume badi bambula dibue dia tshipelelu, bana ba balume badi batetuka, bua bujitu bua nkunyi.

Muadi 5:14

Bakulu ba ditunga kabatshiena basomba mu tshipangu bua kufila lungenyi. Bansongalume mbalekele kuimba nzenze yabu.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.