Muadi 1:21 - MUKANDA WA MYIDI MUKULU

²¹ Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Muadi 1:21 ပူးပေါင်းရင်းမြစ်များ

Misambu 35:15

Kadi mpindiewu pandi mu dikenga, baluishi banyi badi basanka, badikunguja bua kunseka. Nansha bantu benyi mene, bandi tshiyi mumanye, badi bantuuta, bangela bibingu.

Misambu 37:13

Kadi Maweja-Nangila udi useka muntu awu, bualu mmumanye ne: dituku dia kumunyoka nedifike!

Misambu 38:16

Maweja-Nangila, ndi mutekemene kuudi, Maweja-Nangila, Mvidi Mukulu wanyi, wewe nkayebe neubandamune.

Yeshaya 14:5

Maweja-Nangila mmunyangakaje bumfumu bua bantu babi. Mmutshibule dikombu dia muena tshikisu.

Yeshaya 14:6

Uvua utuuta bantu ne tshiji tshikole kayi ulekela. Uvua ukengesha bantu ba mu matunga avuaye mukuate, kakuyi dikisha nansha dikese.

Yirmeya 30:16

Kadi bonsu badi bakudia, nebabadie bobu kabidi. Bonsu badi bakupetula, nebaye bobu kabidi mu bupika. Bonsu badi bakunyenga bintu, nembanyenge bobu kabidi bintu. Badi bapawula bintu biebe, nebapawule bintu biabu kabidi.

Yirmeya 48:27

Bena Mowabe, mwuluke munuvua nuseka bena Izrayele, munuvua nukupa mutu, nubaseka bu bantu badibu bajikila biba bintu.

Yirmeya 50:11

Eyowa, sankayi anu kusanka, nudiele kalumbandi! Nuenu bavua bakuate ditunga divua dianyi meme, nutupike mudi bana ba ngombe batupika mu bisosa. Nuele mikunda mudi nyama milume ya tubalu yela.

Yirmeya 50:15

Elayi bibingu bia mvita nseke yonsu ya tshimenga! Monayi bena Babilone badi badifila, bela maboku mulu, mu bianza bia baluishi babu. Baluishi badi bashimbula tuleya tuatshi, bambula bimana biatshi. Ke mudi Maweja-Nangila udisombuela. Nuenzele bena Babilone bivuabu benzele bantu bakuabu.

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Yirmeya 50:31

Maweja-Nangila wa bukole buonsu udi wamba ne: Ndi nkuluisha wewe ditunga dia Babilone, bualu udi uditambisha. Dituku dia kukunyoka ndimane kufika!

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Yirmeya 51:49

Babilone mmushipe bantu bapite bungi mu buloba bujima. Kadi bu mudiye mushiye bena Izrayele ba bungi, nebamubutule ne yeye kabidi.

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Muadi 1:22

Tangila bimpe tshikisu tshiabu. Ubenzele muuvua mungenzele meme, bua malu mabi anyi onsu. Mona mundi ntua mikemu. Ndi ne kanyinganyinga kakole.

Muadi 1:4

Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Muadi 2:15

Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Muadi 2:16

Bonsu badi bakukina, badi babulula mukana bua kukukeba matandu. Badi bakuela bibingu, badia dinu, bamba ne: “Tudi bamumine. Dituku dituvua bindile, ndiodi edi! Tudi bafikemu, tudi badimone!”

Yezekiyele 26:2

— Yezekiyele, bena Tire badi baseka Yerushalayime, bamba ne: “Ekelekele! Ekelekele! Tshimenga tshia Yerushalayime, muaba uvua bantu ba matunga onsu bapitshila, ntshibutuke. Mpindiewu bantu nebafike kuetu bua kusakula. Netuneme bikole bipite, bualu mpindiewu Yerushalayime mmunyanguke!”

Didimanyisha 18:6

Enzelayi Babilone muvuaye munuenzele. Mufutayi misangu ibidi pa bivuaye muenze. Uwujayi dikopu diende ne maluvu makole. Bukole buawu bupite misangu ibidi bua avuaye munuelele.