Muadi 1:19 - MUKANDA WA MYIDI MUKULU

¹⁹ Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nakubikila banangi banyi, kadi bakundinga; bakuidi banyi ne bakulu banyi bakuhuola muoyo mu musoko, hakadibo bakeba bia kudia bua kukankamisha nʼabi mioyo yabo.

Muadi 1:19 ပူးပေါင်းရင်းမြစ်များ

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yirmeya 30:14

Nansha bantu bavua bakunanga, kabena bakuvuluka kabidi to! Kakuena muntu udi ukufuila luse to. Bualu ndi mukunyoke, mudileje bu muluishi webe. Ndi mukutuute bibi.

Yirmeya 4:30

Kadi, wewe Yerushalayime, utshidi uvuala bilamba bikunze bimpe bua tshinyi? Utshidi uvuala bilengejilu biebe bia mpawungi, utshidi ulaba mishila pa makiki bua tshinyi? Udi mudilengeje tshianana. Bavua bakunange, mbamane kukubenga. Badi bajinga kukushipa.

Muadi 1:1

Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Muadi 2:20

Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Muadi 4:17

Tuvua tukengakana ne mesu, tukeba diambuluisha. Kadi, tuetu nansha kudipeta. Tuetu kuindila ne muoyi mujima tshisamba tshivua mua kutusungidila. Kadi nanshatshi kufika.

Muadi 5:12

Bavua bakuate balombodi ba mu bukalenga babowe. Badi babenga kunemeka bakulu ba ditunga.