Muadi 1:17 - MUKANDA WA MYIDI MUKULU

¹⁷ Nansha Siyone muolole bianza, utendakena, kakuena muntu nansha umue udi mua kumusamba. Maweja-Nangila mmumane kutumina bena mutumba ne bena Izrayele diyi, bua bashale baluishi babu. Yerushalayime mmumane kubipa munkatshi muabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Siona udi wolola bianza biandi ne kakuena mumusambi; Yehowa wakuela mukenji bualu bua Yakoba ne, Badi bamunyunguluka bikale bamukengeshi. Yelushalema wakulua bu tshintu tshinyanguke munkatshi muabo.

Muadi 1:17 ပူးပေါင်းရင်းမြစ်များ

1 Bakalenga 8:22

Pashishe, Shelomu kuimana kumpala kua tshilambuilu tshia Maweja-Nangila, muele bianza mulu, bena Izrayele bonsu batangila. Uvua utendelela Maweja-Nangila,

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

2 Bakalenga 25:1

Ke Nebukadnesare kufika mu Yerushalayime ne bena mvita bende bonsu. Kuasaye mitanda yende kumpala kua tshimenga. Bena Babilone kunyungulula tshimenga atshi ne mishiki ya maloba. Bualu ebu buvua buenzeka mu matuku dikumi a ngondu wa dikumi, Sedekiya mumane kulala mu bukalenga bidimu tshitema.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Yirmeya 12:9

Bantu banyi bakadi bu nyunyi muimpe, udibu bela munkatshi nseke yonsu kudi nyunyi midianganyi anyi? “Bikila nyama yonsu ya muitu! Ifike ku didia dinene!”

Yirmeya 15:5

Maweja-Nangila udi wamba ne: Bena Yerushalayime, kakuena muntu udi mua kunufuila luse kabidi to. Kakuena muntu udi mua kunudila, kakuena muntu udi uditatshisha bua kunuebeja ne: malu kaayi?

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yirmeya 34:22

nentume diyi bua tshipingane, tshiluishe tshimenga etshi, tshi tshikuate, tshitshioshe. Bimenga bia Yuda nebishale tshipela. Ke mundi meme Maweja-Nangila ngamba nanku.”

Yirmeya 4:31

Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

Yirmeya 6:3

Bamfumu ba baluishi nebafike ne bena mvita babu, mudi balami ba mikoku bafika ne mikoku yabu bisumbu ne bisumbu. Nebabuele mu Siyone, mulami yonsu ulomba muaba wa kudisha mikoku yende.

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 1:19

Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 4:15

Muaba onsu udibu bafika badi babela bibingu ne: “Umukayi, nuenu nudi bapie mikiya! Kanusemenyi pabuipi netu to.” Padibu banyema kabena bamanye kudibu baya nansha. Bena bisamba bikuabu badi bababenga, bamba ne: “To, kabasombi muetu munu kabidi nansha!”

Yezekiyele 36:17

— Yezekiyele, teleja. Patshivua bena Izrayele mu ditunga diabu, bavua ne nsombelu mubi. Ke muvuabu banyanga ditunga diabu. Bua bubi buabu bavua bapie mikiya, amu bu mudi bakaji badi bajimija mashi padibu ku tshijila.

Osheya 8:8

Bena Izrayele mbafuanangane anu ne bena bisamba bikuabu bia patupu. Munkatshi mua bisamba bikuabu badi bu luesu lubi ludi bonsu babenga.