Muadi 1:16 - MUKANDA WA MYIDI MUKULU

¹⁶ Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bua malu â onso udi ndila; binsonshi bidi bihatuka ku mesu kuanyi; bualu bua musambi udi mua kukankamisha mutshima wanyi udi nʼanyi kule; bana banyi badi ne kanyinganyinga, bualu bua bena lukuna bakutamba bukole.

Muadi 1:16 ပူးပေါင်းရင်းမြစ်များ

Misambu 106:42

Baluishi babu kubakengesha, kubafuisha bundu.

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

Misambu 69:20

Udi mumanye mudibu bampenda, bamfuisha bundu, bampetula; udi mumone kumpala kuanyi baluishi banyi bonsu.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 14:17

Wambile bantu abu ne: Ndi ndila, mpuekesha binsonji, tshiyi ndekela butuku ne munya. Bualu bantu banyi mbabutuke bibi, mbapete mputa mupite bunene.

Yirmeya 15:5

Maweja-Nangila udi wamba ne: Bena Yerushalayime, kakuena muntu udi mua kunufuila luse kabidi to. Kakuena muntu udi mua kunudila, kakuena muntu udi uditatshisha bua kunuebeja ne: malu kaayi?

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:21

Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Muadi 2:18

Yerushalayime, ela mbila yebe kudi Maweja-Nangila, tuaku mikemu bikole. Puekesha binsonji munya ne butuku, bungi bu mayi a musulu. Kulekedi, kukoshi muadi nansha!

Osheya 9:12

Nansha bobu bakolesha bana, nembumushe panu, kabayi banji kufika ku bantu. Pangikala mumane kubenga bena Efrayime, nebashale bena diakabi!