Muadi 1:14 - MUKANDA WA MYIDI MUKULU

¹⁴ Udi mumone bubi bumvua muenze. Budi bu dijita mu tshianza tshiende. Budi bufika too ne mu nshingu muanyi. Maweja-Nangila mmuntekeshe, mmumfile kudi baluishi bandi tshiyi mua kutshimuna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mibi yanyi yakusuikibua bu mutshi wa tshikokedi; tshianza tshiandi tshiakuyisuika ha nshingu hanyi; yeye wakutekesha hukole buanyi. Mukelenge wakunfila mu bianza bia bantu bandi tshiyi mumanye mua kuluisha.

Muadi 1:14 ပူးပေါင်းရင်းမြစ်များ

Nsumuinu 5:22

Bilema bidi muntu wenza bidi bu mionji idiye udisuika nayi. Bidi bu buteyi budiye udikuata nabu.

Yeshaya 14:25

Nenyangakaje bukole bua bena Ashure, mu buloba buanyi meme. Nembudiatakaje pa mikuna yanyi. Nenjikije tshinyangu, tshidibu banyanga natshi bantu banyi. Nengumushe bujitu bunene, budibu babambuishe.”

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Yirmeya 27:8

Pikala bena tshisamba kampanda, anyi bena bukalenga, babenga kuitaba ku diyi dia mukalenga Nebukadnesare, nansha babenga kuambula mutshi wa bupika udiye ubateka pa makaya, nembanyoke ne mvita, ne tshiyole tshia nzala, kabidi ne disama dia tshiambu. Nengambuluishe Nebukadnesare bua amone mua kubutula bantu aba.

Yirmeya 28:13

— Uye kuambila Ananiya ne: Maweja-Nangila udi wamba ne: “Bu muudi utshibula mutshi wa dibaya nenku, nempingaje mulonda.”

Yirmeya 28:14

Yirmeya kuamba kabidi ne: — Maweja-Nangila wa bukole buonsu Mvidi Mukulu wa Izrayele udi wamba ne: “Ndi nteka mulonda pa makaya a bantu ba mu bisamba bionsu. Nebakuatshile Nebukadnesare, mukalenga wa mu Babilone mudimu. Nansha nyama ya muitu mene neitabe ku diyi diende.”

Yirmeya 32:3

Sedekiya uvua mumuelemu bualu uvua mufike munda bua muaku uvua Yirmeya muakule mu dina dia Maweja-Nangila ne: “Nemfile Yerushalayime mu bianza bia mukalenga wa mu Babilone. Yeye neakuate tshimenga.

Yirmeya 32:5

Maweja-Nangila udi wamba ne: Pashishe nebaye ne Sedekiya mu Babilone. Neashalemu too ne ku lufu luende. Nansha nuenu batungunuke ne mvita, nuluisha bena Babilone, kanuakubatshimuna to.”

Yirmeya 37:17

Pashishe mukalenga Sedekiya kutuma muntu bua kukeba Yirmeya. Mukalenga uvua musue kumukonka malu mu musokoku mu nzubu wende wa bukalenga. Mukalenga kumukonka ne: — Udi ne malu a kungambila a kudi Maweja-Nangila anyi? Yirmeya kumuandamuna ne: — Eyowa, ngwowu aa: Nebakukuate, bakufile kudi mukalenga wa mu Babilone.

Yezekiyele 11:9

Nennuipate mu tshimenga, nuuteke ku bumfumu bua bisamba bia bantu bakuabu. Ke mumvuavua kununyoka.

Yezekiyele 21:31

Meme Maweja-Nangila Mvidi Mukulu ndi ngamba ne: kuakuikala kabidi ne bimanyinu bia bukalenga to. Nebakutale tshifulu tshia bumfumu. Malu onsu mmandamuke. Bantu bapuekele nebasombe miaba ya lumu. Bantu ba bukole nebabapuekeshe.

Yezekiyele 23:28

“Meme Maweja-Nangila ndi ngamba ne: nenkufile mu bianza bia bantu baudi udiombola, baudi ubenga.

Yezekiyele 25:4

Nanku, ndi ntuma bendakanyi ba bisamba bia bende, ba kudi diba dipatukila, bua bakuate ditunga dienu. Nebase mpangu yabu mu buloba buenu, nebasemu mitanda yabu. Nebadie bimuma bienu, nebanue mabele anudi nawu.

Yezekiyele 25:7

Nanku, nennuleje bukole buanyi. Nennufile kudi bantu benyi. Nebanunyenge bionsu binudi nabi. Kanuakuikala kabidi tshisamba tshia bantu to. Kanuakuikala ne ditunga to. Nennubutule bonsu kashidi. Diba adi, nenujadike ne: meme ndi Maweja-Nangila.”

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Mika 2:3

Ke padi Maweja-Nangila wamba ne: “Ndi nnulongoluela dikenga dinene. Kanuena mua kudipanduka, kanuena mua kuditambisha kabidi, bualu diba dia dikenga dikadi difika.”

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.