Muadi 1:1 - MUKANDA WA MYIDI MUKULU

¹ Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Mukanda wa Nzambi Dihungila Dikulukulu ne Dihungila Dihia-dihia 2003

¹ Monai musoko wakadi tente ne bantu mudiu mushale mutuhu! Wowo wakadi munene munkatshi mua bisamba bia bantu wakulua bu mukashi wa mu lufuila! Yeye wakadi mukelenge mukashi munkatshi mua misoko mikuabo ya buloba ukadi uyilambula!

Muadi 1:1 ပူးပေါင်းရင်းမြစ်များ

2 Bakalenga 23:33

Neko, mukalenga wa bena Ejipitu kukuata Yowakaze, kuyaye nende mu tshimenga tshia Ribla, mu ditunga dia Amate. Kumulamaye mu nzubu wa lukanu. Ke muvua Neko mujikije bukalenga bua Yowakaze nanku. Tshikondu atshi, Neko kuambila bena ditunga dia Yuda bua bafute tshiamu tshitoke tshia mushinga mukole kilo binunu bisatu, ne tshiamu tshia mpawungi kilo makumi asatu.

2 Bakalenga 23:35

Yowakime kulambuisha bena mu bukalenga buende bitadi bua kupeta makuta avua mukalenga wa bena Ejipitu mulombe. Pavua muntu yonsu mumane kulambula tshitadi, Yowakime uvua mua kupesha Neko tshiamu tshitoke tshia mushinga mukole, ne tshiamu tshia mpawungi.

2 Kulondolola 9:26

Bamfumu bonsu bavua ku bumfumu bua mukalenga Shelomu, biangatshile ku musulu munene wa Perate, too ne ku ditunga dia bena Peleshete, kabidi too ne ku mukalu wa ditunga dia bena Ejipitu.

Ezela 4:20

Ku kale mu tshimenga amu muvua bakalenga ba bukitu bavua balombola buloba bujima buvua ku luseke ludi diba dibuelela lua musulu wa Perate. Bavua balambuishamu bitadi, bafutshisha milambu mishilangane.

Nehemya 5:4

Bakuabu bavua bamba ne: “Bua kulambula mukalenga wa bakalenga tshitadi, tudi ne bua kueyeka madimi etu, mionji yetu ya mvinyo, bua kupeta makuta.

Nehemya 9:37

Ditunga didi ne biakudia bia bungi, kadi bidi bisankisha nangananga bakalenga, bavua batubueje mu bupika bua bubi buetu. Badi benza netu, kabidi ne biuma bietu, amu bu mudibu basue. Bushuwa, tudi mu dikenga dinene!”

Misambu 122:4

Muebe ke mudi meku a Izrayele, meku a Maweja-Nangila afika bua kutumbisha Maweja-Nangila, bu mudi mukenji wa bena Izrayele wamba.

Yeshaya 14:12

Ebi mbienzeke munyi? Wewe uvua bu mutotu udi ukenka mu dinda! Mudibu bakukulula kulu mmunyi? Wewe uvua utshimuna bukua matunga, mudibu bakuimansha panshi mbishi?

Yeshaya 22:2

Mitoyi bungi nanku mu tshimenga, mbila mikole nya tshinyi? Bantu mbasanke anyi? Bafue ba muebe ki mbafuile mu mvita anyi? Kabavua babashipe anyi?

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Yeshaya 49:21

Nenku neudikonke ne: “Udi mumpe bana bonsu aba nnganyi? Nkavua mushale patupu, tshiyi mmona bana banyi. Tshivua mutekemene kupeta bakuabu. Bavua bangipata, bantuma kua bende. Kadi aba, uvua ubakolesha nnganyi? Mvua mushale nkayanyi. Kadi aba mbafume penyi?”

Yeshaya 50:5

Eyowa, Maweja-Nangila udi undongesha mundi mua kuteleja. Tshiena mumutombokele to. Tshiena musunuke nansha.

Yeshaya 52:2

Lupuishi ndukulamate pambidi. Kadi wewe Yerushalayime, ditutula lupuishi elu. Juka kulu, uye kusomba pa nkuasa webe wa bukalenga. Wewe Siyone, uvua muena lukanu, disulula mionji idi mikunjingila mu nshingu.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Yeshaya 54:4

Kutshinyi to. Kuena ufua kabidi bundu to. Kabakukupetula kabidi to. Nebakunemeke. Neupue muoyi bundu buuvua nabu ku bunsongakaji buebe. Kuakuvuluka kabidi kapeja ka diba diutshivua mukamba.

Yirmeya 31:7

Elayi mbila ya disanka, nusankidile Izrayele, bualu ke tshisamba tshidi tshipite bisamba bikuabu. Tumbishayi Mvidi Mukulu, nuambile bantu bonsu ne: “Maweja-Nangila mmusungidile bantu bende, mumpikule bena Izrayele bonsu bavua bashale ne muoyi!” Telejayi tshidi Maweja-Nangila wamba ne:

Yirmeya 40:9

Ngedaliya kubambila ne: — Kanutshinyi to. Anyishayi bukalenga bua bena Babilone. Sombayi mu ditunga. Nuitabe bumfumu bua mukalenga wa Babilone. Ndi nnulaya ne: nenuikale ne diakalenga.

Yirmeya 42:2

kudi muambi Yirmeya, bamuambila ne: — Wanyishe tshitudi tukulomba. Utendelele Maweja-Nangila Mvidi Mukulu webe bua tuetu bonsu badi bashale ne muoyi. Tudi bakese be. Udi mudimuene nkayebe.

Yirmeya 44:2

— Maweja-Nangila wa bukole buonsu, Mvidi Mukulu wa Izrayele, udi wamba ne: “Nuvua bamone makenga onsu amvua mutumine bena Yerushalayime ne bimenga bikuabu bia Yuda. Bimenga ebi lelu mbimane kubutuka bishale makolu.

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Yirmeya 50:23

Mudi bualu bua nanku buenzeka mbishi? Ditunga dia Babilone divua dia ngindu wa bujitu, uvua uzaza buloba bonsu. Kadi ngindu awu, mbamane kumutshibula, mbamane kumuzaza. Ditunga edi dikadi bu tshipela tshidi tshikuatshisha bowa. munkatshi mua bisamba bikuabu. Mudi bualu bua nanku buenzeka mmunyi?

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Muadi 1:19

Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Muadi 2:1

Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Muadi 2:10

Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Muadi 4:1

Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?

Muadi 5:16

Buneme buetu mbujike! Tudi ne diakabi, bualu tuvua benzele Maweja-Nangila bibi.

Yezekiyele 26:16

Bakalenga badi balombola bantu badi ku muelelu wa mayi manene, nebatuluke mu nkuasa yabu. Nebavule binkutu biabu, ne bilamba biabu bivuabu balengeje ne buanda. Nebasombe panshi, bazakala amu kuzakala, bakuatshika bowa pa kumona bidi binuenzekela.

Yezekiyele 26:2

— Yezekiyele, bena Tire badi baseka Yerushalayime, bamba ne: “Ekelekele! Ekelekele! Tshimenga tshia Yerushalayime, muaba uvua bantu ba matunga onsu bapitshila, ntshibutuke. Mpindiewu bantu nebafike kuetu bua kusakula. Netuneme bikole bipite, bualu mpindiewu Yerushalayime mmunyanguke!”

Yezekiyele 5:5

Meme Maweja-Nangila Mvidi Mukulu ndi ngamba ne: “Ke muenzelabu Yerushalayime, tshimenga tshindi muteke munkatshi mua bisamba, tshinyungulula kudi matunga a bantu benyi.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’