Misambu 97:7 - MUKANDA WA MYIDI MUKULU

⁷ Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bonso badi bakuatshila mpingu misonga mudimu bafuishibue bundu ku mesu, badi baditumbisha bua mpingu. Kukuilai bienu Yehowa, nuenu nzambi ya hatuhu.

Misambu 97:7 ပူးပေါင်းရင်းမြစ်များ

Ekesode 20:4

“Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Ekesode 25:20

Bimfuanyi abi, bikale bitangilangane, binangile pa tshibuikidiji tshia mushete, biolola mapuapua mulu bua kubuikila mushete awu.

Yeshaya 41:29

Bonsu buabu badi tshianana. Bidibu benza bidi patupu. Mvidie yabu idi lupepele, kayiyi ne bukole nansha bukese.

Yeshaya 42:17

Kadi bonsu badi batekemena kudi mvidie, badi batekemena mpingu ivuabu basonge, bayibikila ne: “Nudi mvidie yetu”, bafue bundu, banyeme lubilu.

Yeshaya 42:7

Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”

Yeshaya 45:16

Kadi mona benji ba mpingu: nebafue bundu, nebende bonsu biname mpala panshi, bu bantu bavuabu badinga.

Yirmeya 10:14

Bantu bonsu badi bapuwa muaba awu bazakala, kabayi bumvua bualu. Bansenda bavua benza mpingu, bumvua bundu bua mpingu ivuabu bafule, bualu mpingu eyi ivua ibadinga. Kayena yeyela nansha kakese.

Yirmeya 2:26

Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Dielulula 27:15

“Muntu yonsu udi wenza lupingu lua mvidie, nansha lua dibue, lua mutshi, nansha lua tshiamu, kutendelela mu musokoku, mmuena diakabi. Bualu Maweja-Nangila Mvidi Mukulu wenu kena musue bintu bia mushindu ewu, bienza kudi bantu. Muntu ewu asangane muena tshibawu kuenza anyi?” Bena Izrayele nebandamune bonsu ne: “Enze!”

Dielulula 5:8

“Kanusongi lupingu, kanuzodi tshimfuanyi tshidi tshileja tshintu tshidi mu diulu, pa buloba, nansha mu mayi adi muinshi mua buloba.

Ebrewu 1:6

Kadi tshikondu tshivua Mvidi Mukulu musue kutuma Muanende, muanabute pa buloba, kuambaye ne: “Batumibue bonsu ba Mvidi Mukulu bamukukuile.”

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

1 Samuele 5:3

Butshia dinda, bena mu tshimenga tshia Asdode babika, kusanganabu lupingu lua Dagone ludishinda panshi kumpala kua mushete wa Maweja-Nangila. Kujulabu lupingu, kuapingaja muaba uvualu.