Misambu 94:4 - MUKANDA WA MYIDI MUKULU

⁴ Bantu bonsu badi benzela bakuabu bibi, badi bakula bibi ne kapeja, baditambisha.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Badi bavudisha mei abo, badi bamba mei a diambu; benji ba malu mabi bonso badi baditumbisha.

Misambu 94:4 ပူးပေါင်းရင်းမြစ်များ

Yobe 20:5

bantu babi kabatu basanka mutantshi mule to. Diakalenga diabu kadiena dinenga nansha.

Misambu 125:5

Kadi bantu badi balonda njila mikonyangale, kabidi ne badi benzela bakuabu bibi, Maweja-Nangila ubabutule! Izrayele asombe talalaa!

Misambu 140:3

Meji abu adi a kuenzelangana bibi, badi bakeba ndukilu dituku dionsu.

Misambu 31:18

Maweja-Nangila, ndi nkutendelela, nanku kumfuishi bundu. Bundu mbua bantu badi kabayi bakuitaba. Bapuwe, bapueke mu kandondu ka bafue.

Misambu 52:1

Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Misambu 59:12

Kadi kubabutudi musangu umue nansha. Tshianana, bena tshisamba tshianyi badi mua kupua muoyi biudi mungenzele. Tangalaja bantu babi ku bukole buebe, ubafine! Maweja-Nangila, wewe udi ngabu wetu.

Misambu 59:7

Badi bapingana dilolu mu tshisumbu, banyunguluka tshimenga tshijima, bela mikunda bu mbua.

Nsumuinu 30:14

Kudi bantu badi ne menu bu miele ya kuluangana nayi mvita, badi ne binyanganyanga bitue bu tuele. Badi bavuambula bakengi ba mu ditunga, bumusha bapele munkatshi mua bantu bakuabu.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Danyele 7:11

“Mvua ndengamena, nteleja meyi makole a ditambisha avua lusengu lukese luambe. Pantshivua ntangila, kushipabu nyama muinayi. Kuelabu mubidi wende mu kapia bua Imubutula.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Danyele 7:8

Pamvua nkenketa nsengu eyi bimpe, lusengu lupialupia lupite bukese, kumenalu munkatshi mua mikuabu. Kutulalu nsengu isatu mikuabu. Lusengu lupialupia luvua ne mesu bu a muntu, luvua ne mukana, luakula malu a ditambisha.

Danyele 8:11

Kuluishalu mene mfumu wa bia mu diulu. Kukandikalu mulambu wa kuosha, uvuabu bamulambula ku dituku ku dituku. Kunyangalu muaba wa tshitendelelu, kuupishalu mikiya.

Matayi 12:24

Kadi Baparushe bumvue muvua bantu aba bamba, kuambabu ne: — Muntu ewu udi wipata mikishi mibi, amu bualu mmupete bukole kudi Belzebule, mfumu wa mikishi mibi!

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

1 Samuele 2:3

Kanuakudi meyi a bungi bua kuditambisha, kanuakudi kabidi nansha a kapeja. Bualu Maweja-Nangila udi Mvidi Mukulu, mmumanye bionsu, ulumbuluisha bantu bua bionsu bidibu benza.